WhatsApp update: स्टेटस आवडलं लगेच 'ढापलं', WhatsApp वर मिळणार नवीन फीचर, कसं वापरायचं?

फेसबुक किंवा इन्स्टावर कसं एखाद्याची स्टोरी किंवा स्टेटस आवडलं की लगेच रिशेअर करता येतं किंवा डाऊनलोड करता येतं, मात्र WhatsApp अजूनही एखादं स्टेटस आवडलं की त्या व्यक्तीकडून ते मागून घ्यावं लागतं. ते डाउनलोड करण्यासाठी काहीतरी जुगाड करावा लागतो. मात्र आता हा त्रास संपणार आहे. WhatsApp वर तुम्हाला आवडलेलं स्टेटस तुम्ही अगदी सहज ढापू शकता. त्यासाठी तुम्हाला कोणाकडे ते मागायची गरज पडणार नाही.

WhatsApp स्टेटसबाबत कंपनीने मोठी अपडेट दिली आहे. सध्या एका नव्या फीचरवर कंपनी काम करत आहे. हे फीचर अँड्रॉइड अॅपवर मिळणार आहे. स्टेटसवर जास्त कंट्रोल असेल असं कंपनीचं म्हणणं आहे. मेटा आपल्या प्लॅटफॉर्मवर खास फीचर अॅड करणार आहे. आता तुम्ही एकाच वेळी फेसबुक आणि WhatsApp वर देखील स्टेटस शेअर करु शकणार आहात.

थोडक्यात स्टेटस ठेवणाऱ्या व्यक्तीनं ठरवायचं आहे की आपले स्टेटस कोण पाहणार, कोण शेअर करू शकणार. सोप्या भाषेत सांगायचं तर, तुम्ही एखादं स्टेटस ठेवलं तर ते कोणी रिशेअर करायचं याचं सिलेक्शन देखील तुम्हाला करावं लागणार आहे.

तुम्हा ज्या व्यक्तींना ही रिशेअर करायची परवानगी द्याल तेच लोक तुमचं स्टेटस ढापू शकणार आहेत. अन्यथा ते तुम्हाला रिशेअर करता येणार नाही. थोडक्यात इन्स्टाग्राम सारखी सुविधा WhatsApp वर मिळणार आहे. त्यामुळे याचा फायदा युझर्सना होणार आहे. ऑथरकडे किंवा ओरिजनल स्टेटस ठेवणाऱ्याकडे ते अधिकार असतील.

WABetaInfo ने याबाबत फीचर लाँच केलं असून त्यावर टेस्टिंग सुरू झालं आहे. लवकरच अँड्रॉइड युजर्सना देखील ते वापरण्याची संधी मिळेल. युजर्सला स्टेटस शेअर करायचा पर्याय दिला आहे. फक्त अट एकाच ठेवली आहे.

हे फीचर बाय डिफॉल्ट ऑफ असेल. युजरला हे फीचर मॅन्युअली सुरू करावं लागणार आहे. बहुतेक नव्या अपडेटमध्ये हे फीचर मिळण्याची शक्यता आहे. त्यानंतरच युजर्स वापरण्यासाठी मिळणार आहे. या फीचरमुळे युजरला WhatsApp चा जास्त कंट्रोल मिळेल असा दावा कंपनीने केला आहे.

आपलं स्टेटस कुणी पाहावं, कुणी शेअर करावं या सगळ्याचा निर्णय युजर घेऊ शकणार आहे. याशिवाय स्टेटस किती लोकांनी पाहायचा याचं लिमिट देखील सेट करता येणार अशी शक्यता आहे. यावर देखील काम सुरू असून ते लवकरच पूर्ण होईल आणि नव्या अपडेटमध्ये मिळण्याची शक्यता आहे.