Mobile Interesting Facts : एवढ्याशा मोबाईलमध्ये इतकं सगळं कसं काय बसतं? फोन इतका स्मार्ट कसा झाला?

पूर्वी कॉम्प्युटर म्हणजे मोठा सीपीयू, मॉनिटर, कीबोर्ड, माऊस असायचा आणि आज तोच कॉम्प्युटर आपल्या खिशात मावतो. आजचा स्मार्टफोन पाहिला की एकच प्रश्न पडतो एवढ्या छोट्याशा फोनमध्ये कॅमेरा, इंटरनेट, बॅटरी, स्पीकर, सेन्सर, अ‍ॅप्स, मेमरी, प्रोसेसर… इतकं सगळं कसं काय बसतं?

फोनमध्ये सगळं बसण्यामागचं पहिलं कारण म्हणजे Miniaturization. पूर्वी जे इलेक्ट्रॉनिक पार्ट्स मोठे होते, ते आज मायक्रो आणि नॅनो लेव्हलवर तयार केले जातात. एकेकाळी सीपीयू खोलीएवढा होता. आजचा प्रोसेसर नखाएवढा आहे. ट्रान्झिस्टर आता नॅनोमीटरमध्ये मोजले जातात. जितकं पार्ट्स लहान, तितकं जास्त फंक्शन कमी जागेत.

स्मार्टफोनचं हृदय म्हणजे SoC (System on a Chip). पूर्वी प्रोसेसर, ग्राफिक्स कार्ड, नेटवर्क चिप असे वेगवेगळे पार्ट्स असायचे. आज हे सगळं एकाच चिपमध्ये बसवलेलं असतं. त्यामुळे जागा वाचते, वीज कमी लागते, फोन वेगवान होतो.

फोनच्या आत एक Printed Circuit Board (PCB) असतो. तो एक थर नसून 5 ते 12 थरांचा असतो. याचा अर्थ एकाच जागेत अनेक सर्किट्स, वरच्या थरावर कॅमेरा, आतल्या थरांमध्ये प्रोसेसर, नेटवर्क, सेन्सर. जसं इमारतीत मजले असतात, तसं फोनमध्ये सर्किट्सचे मजले असतात.

फोनमध्ये RAM आणि Storage वेगवेगळ्या चिप्समध्ये असतात. आज 256GB, 512GB, 1TB स्टोरेज तेही नखाएवढ्या चिपमध्ये हे शक्य होतं कारण: Flash Memory Technology. मेमरी थरांमध्ये साठवली जाते म्हणजे डेटा आडवा नाही, तर उभा साठवला जातो.

फोनचा कॅमेरा दिसायला लहान असतो, पण आत सेन्सर्स, लेन्स सिस्टम, इमेज प्रोसेसर  हे सगळं एकत्र काम करतं. म्हणूनच लहान लेन्स असूनही नाइट मोड, पोर्ट्रेट, 4के व्हिडीओ, झूम सगळं शक्य होतं.

फोनची बॅटरी लहान, तापळ दिसते पण ती लिथियम आयर्न, लथियम पॉलिमर, हाय एनर्जी डेन्सिटी असलेली म्हणजे  कमी जागेत जास्त ऊर्जा, पातळ पण शक्तिशाली. यामुळेच फोन दिवस-दोन दिवस चालतो. फोनमध्ये असे अनेक सेन्सर असतात जे दिसतही नाहीत.  हे सगळे सूक्ष्म आकाराचे असल्यामुळे फोनमध्ये सहज मावतात.