Chicken Facts : कोंबडा किती वर्षे जिवंत राहतो, कोंबड्याचं आयुष्य किती असतं?

कोंबडा म्हणताच अनेकांना चिकनच्या आठवणीने तोंडाला पाणी सुटलं असेल. साधारणपणे लोकांना भातासोबत चिकन खायला आवडतं. मुर्गा भात, चिकन बिर्याणी असे अनेक पदार्थ लोकांना आवडतात.

आता जर आपण कोंबडी आणि मानव यांच्यातील नातेसंबंधाबद्दल बोललो तर खरंतर याचं कारण भातशेती आहे.  भाताची लागवड जसजशी वाढत गेली तसतसे रेड जंगल फाऊल जंगलातून माणसांच्या जवळ येऊ लागले.

हा कोंबड्यासारखा दिसणारा एक पक्षी जो भात चोरण्यासाठी यायचा. हळूहळू त्याच्यात आणि माणसांमध्ये चांगले संबंध निर्माण झाले. मानवांनी रेड जंगल फाऊलच्या दोन प्रजातींचं पालन केले, ज्या नंतर घरगुती कोंबडी बनल्या.

पूर्वीच्या अभ्यासातून असं दिसून आलं आहे की, कोंबडा पाळण्याची परंपरा 10 हजार वर्षांपूर्वी आशियामध्ये, विशेषतः चीन, दक्षिण-पूर्व आशिया किंवा भारतात सुरू झाली.

खरं तर युरोपियन संशोधकांनी मजबूत पुरावे दिले आहेत की मानवाने सुमारे 1500 ईसापूर्व, म्हणजे सुमारे 3522 वर्षांपूर्वी कोंबडीचे पालन करण्यास सुरुवात केली.

संशोधनात मिळालेल्या पुराव्यांनुसार, लाओस, कंबोडिया, व्हिएतनाम, म्यानमार आणि थायलंडमध्ये प्रथम त्यांचं संगोपन करण्यात आलं.

आता लोक कोंबड्या खातात, तेव्हा त्यांचं आयुष्य संपतं पण सामान्यपणे कोंबड्या किती वर्षे जिवंत राहतात याचा तुम्ही कधी विचार केला आहे का? माहितीनुसार कोंबडा आणि कोंबडीचं वय 5 ते 10 वर्षे असतं. इतकी वर्षे ते जगू शकतात.