TRENDING:
काय घडलं?
प्रतीक्षा ही शिक्षण घेत असून ती शारदानगर येथे वास्तव्यास होती. ९ मार्च रोजी सकाळी ती घरातून बाहेर पडली होती, मात्र बराच वेळ उलटूनही ती परतली नाही. कुटुंबीयांनी आपल्या स्तरावर नातेवाईक आणि मित्र-मैत्रिणींकडे तिची शोधाशोध केली. मात्र तिचा काहीही थांगपत्ता लागला नाही. त्यानंतर अखेर वडिलांनी माळेगाव पोलीस ठाण्यात ती बेपत्ता असल्याची अधिकृत तक्रार दाखल केली. पोलिसांसह गावकरी आणि मित्रपरिवारानेही तिचा शोध घेण्याचे प्रयत्न सुरू ठेवले होते.
advertisement
अशातच शनिवारी सकाळी माळेगाव खुर्द-केव्हीके रस्त्यावरील विहिरीत एक मृतदेह तरंगत असल्याची माहिती मिळताच खळबळ उडाली. पोलिसांनी तातडीने घटनास्थळी धाव घेऊन मृतदेह विहिरीतून बाहेर काढला. यावेळी तो मृतदेह बेपत्ता असलेल्या प्रतीक्षा मेमाणे हिचाच असल्याचे स्पष्ट झाले.
सध्या पोलिसांनी या प्रकरणाची 'अकस्मात मृत्यू' अशी नोंद केली असून, प्रतीक्षाने विहिरीत उडी मारून जीवन संपवल्याची दाट शक्यता वर्तवण्यात येत आहे. मात्र, तिने हे टोकाचे पाऊल नेमके का उचलले? यामागील कारणांचा शोध आता पोलीस घेत आहेत. या प्रकरणाचा पुढील तपास पोलीस हवालदार सय्यद करत आहेत. या घटनेने बारामतीसह संपूर्ण परिसरात हळहळ व्यक्त केली जात आहे.