भाऊ म्हणतो अपहरण पण बहीण म्हणते प्रेम; भिगवणची तरुणी आली समोर; 24 तासात काय काय घडलं? वाचा A to Z माहिती

भिगवणच्या तरूणीने एक व्हिडीओ करून माझे अपहरण झाले नसल्याची माहिती दिली आहे. ज्या तरूणावर माझ्या अपहरणाचा आरोप होतोय त्याच्यासोबत माझे प्रेमसंबध असल्याची कबुली मुलीने कॅमेऱ्यासमोर येत दिली आहे. माझ्या अपहरणाच्या बातम्या खोट्या असल्याचं देखील मुलीने स्पष्ट केले आहे. अपहरणानंतर २४ तास भिगवण पेटलं होते. भिगवणमध्ये मोठ्या प्रमाणावर तणावपूर्ण स्थिती पाहायला मिळाली.

advertisement

अपहरणाच्या तक्रारीवर गंभीर संशय

भिगवण येथील तरुणीने सोशल मीडियावर व्हिडीओ जारी करत माझे अपहरण झालेले नसल्याचे स्पष्ट केल्याने संपूर्ण प्रकरणाला धक्कादायक वळण मिळाले आहे. या खुलाशानंतर तरुणीच्या कुटुंबीयांनी दाखल केलेल्या अपहरणाच्या तक्रारीवर गंभीर संशय निर्माण झाला असून, पोलिस तपासाची दिशा बदलण्याची शक्यता आहे. सत्य काय, याकडे सर्वांचे लक्ष लागले आहे.

भिगवणमध्ये  २४ तासात काय काय घडलं?

• रात्री ९ वाजता : दौंड तालुक्याच्या स्वामी चिंचोली मधील 21 वर्षीय तरुणीला भिगवण पोलीस स्टेशनच्या हद्दीत अपहरण झाल्याचे समोर आले. दोन मुस्लिम तरुणांनी दुचाकीवरून जाणाऱ्या तरुणीच्या आई आणि भावाच्या डोळ्यात लाल तिखट फेकून अपहरण करत पळ काढल्याची तक्रार पोलीस स्थानकात करण्यात आली. ही बातमी वाऱ्यासारखी पसरली
advertisement
• रात्री ९.३० वाजता - संपूर्ण जिल्ह्यात नाकाबंदी करण्यात आली. ​तपासकामी पोलिसांची विविध पथके रवाना करण्यात आली. टोल नाके आणि मुख्य रस्त्यांवर बारीक लक्ष ठेवले जात होते. भिगवण पोलीस स्टेशन समोर गर्दी जमण्यास सुरुवात
• रात्री १०. ३० वाजता: भिगवण पोलीस ठाण्यासमोर हिंदू संघटनांची घोषणाबाजी, हिंदू संघटना आक्रमक
• रात्री १०.४५ वाजता - भिगवण मधील हिंदू संघटना आक्रमक झाल्या. पुणे सोलापूर महामार्ग अडवला, महामार्गावर टायर पेटवले. अपहरण केलेल्या दोन तरुणांना लवकरात लवकर अटक करण्याच्या मागणीसाठी पुणे सोलापूर महामार्ग अडवला, पुणे सोलापूर महामार्ग जाम
advertisement
• मध्यरात्री १.४० - पुणे ग्रामीण पोलिसांच्या 4 टीम मार्फत शोध सुरु.... CCTV पाहून पुढील तपासाला सुरुवात... मोबाईल बंद असल्याने वाहन घेऊन जात त्या मार्गावर CCTV पाहणे हा एकच पर्याय ... पुढील 24 तासांत आरोपीला ताब्यात घेऊ,कोणीही बेकायदेशीर कृत्य करू नये पुणे ग्रामीण अप्पर पोलिस अधीक्षक गणेश बिरादार यांचे आवाहन
• सकाळी ८ वाजता- संतप्त जमावाकडून भिगवन पोलीस ठाण्यात घोषणाबाजी करण्यात आली तसेच भिगवन मधून जाणाऱ्या पुणे सोलापूर महामार्गावर टायर जाळण्यात आले या घटनेनंतर पोलिसांनी जमावाला पांगवले
• सकाळी ९.३६ - इंदापूर मध्ये गोपीचंद पडळकर यांच्या सभेची परवानगी पोलिसांनी नाकारली. भिगवण प्रकरणात गोपीचंद पडळकर यांची आज होणाऱ्या सभेला पुणे ग्रामीण पोलिसांनी नाकारली परवानगी.. तणाव निर्माण होऊ नये तसेच उद्या शिवजयंती असल्यामुळे पोलिसांनी सभेसाठी परवानगी नाकारली
• सकाळी १०.३० - मुस्लिम समाजाकडून घटनेचा निषेध
• सकाळी १०.४५ - भिगवन पोलीस स्टेशन मध्ये भारतीय जनता पक्षाचे नेते प्रदीप गारटकर हे पोलिसांची चर्चा करण्यासाठी आले.
• सकाळी ११ वाजता - पुणे ग्रामीण पोलीस अधीक्षक संदीपसिंह गिल यांची पत्रकार परिषद
• दुपारी १.३० वाजता - गोपीचंद पडळकरांनी केला निषेध
• दुपारी ३.४५ - गोपीचंद पडळक येणार असल्याने भिगवण पोलीस स्थानकाबाहेर गर्दी
• दुपारी ४.३०- हिंदू जन आक्रोश मोर्चाचे आयोजन
• दुपारी ४.५० - मोर्चासाठी पडळकरांची हजेरी
• सायंकाळी ५ वाजता - मुलीचा व्हिडीओ समोर
• सायंकाळी ५.३० वाजता - भिगवण पोलिस ठाण्यासमोर हिंदू कार्यकर्त्यांचा मोठा गोंधळ, पोलीस ठाण्यात जाण्यासाठी कार्यकर्त्यांची गर्दी

हे ही वाचा :

Bhigwan: माझे अपहरण नाही, त्याच्याशी प्रेमसंबंधच; भिगवणच्या अपहरण प्रकरणात मोठा ट्विस्ट, मुलीच्या कबुलीचा Video