TRENDING:
नेमकी काय होती घटना?
मंगळवारी (३ फेब्रुवारी) मध्यरात्रीनंतर एक महिला धावत पोलीस ठाण्यात आली. तिने पोलिसांना सांगितलं की, तिचा दुसरा पती मद्यपी असून तो तिला सतत मारहाण करतो. "आज त्याने मला धमकी दिली आहे की, एकतर तुला मारेन किंवा तुझ्या मुलीला (पहिल्या पतीपासून झालेली मुलगी) संपवून टाकेन. तो मुलीला घेऊन घराबाहेर पडला आहे," अशी माहिती तिने दिली.
advertisement
पोलिसांची थरारक मोहीम
सहा वर्षांच्या मुलीच्या जीवाला धोका असल्याचे समजताच पोलिसांनी कोणतीही वेळ न घालवता तातडीने तपासाची चक्रे फिरवली. रात्रभर पोलिसांची पथके शहराच्या कानाकोपऱ्यात मुलीचा शोध घेत होती.
सत्य समोर येताच संताप
अखेर पोलिसांनी त्या महिलेच्या घराची आणि परिसराची सखोल तपासणी केली. तेव्हा पोलिसांना धक्काच बसला. ज्या मुलीच्या खुनाची भीती आईने व्यक्त केली होती, ती मुलगी चक्क तिच्या वडिलांसोबत घरात शांतपणे झोपलेली आढळली. अधिक चौकशी केल्यावर स्पष्ट झाले की, पती-पत्नीमधील भांडणातून पतीला अद्दल घडवण्यासाठी महिलेनं ही खोटी तक्रार केली होती.
महिलेच्या या एका खोट्या तक्रारीमुळे चिंचवड पोलिसांची रात्रभर विनाकारण धावपळ झाली. कौटुंबिक वादात कायद्याचा आणि पोलिसांचा असा चुकीचा वापर केल्याबद्दल आता संताप व्यक्त केला जात आहे.