TRENDING:
नेमकं काय घडलं?
मूळचा धाराशिव जिल्ह्यातील असलेला स्वप्निल आठ-दहा दिवसांपूर्वी कोणालाही काहीही न सांगता घरातून निघून गेला होता. त्याचे आई-वडील मोलमजुरी करून उदरनिर्वाह करतात. मुलगा घरात नसल्याचे पाहून पालकांनी सर्वत्र शोध घेतला, पण तो सापडला नाही. अखेर हताश होऊन त्यांनी धाराशिव पोलिसांत तक्रार दाखल केली होती. दरम्यान, स्वप्निलने धाराशिवहून बंगळुरू गाठले आणि तिथून तो पुण्याला पोहोचला.
advertisement
रात्री १ वाजता देवदूत धावून आला
१ मार्च रोजी मध्यरात्री १ च्या सुमारास बिबवेवाडी अप्पर डेपोमध्ये एक मुलगा एकटाच बसलेला सामाजिक कार्यकर्ते विशाल नगरकर यांना दिसला. त्यांनी सुरक्षा रक्षक मोसिम पटेल यांच्या मदतीने मुलाला विश्वासात घेतले. सुरुवातीला तो काहीच बोलत नव्हता, पण प्रेमाने विचारल्यावर त्याने आईचा मोबाईल नंबर दिला.
आईचा फोनवरच हंबरडा
नगरकर यांनी त्या नंबरवर फोन लावताच स्वप्निलच्या आईने पलीकडून हंबरडा फोडला. "माझं पिलू १० दिवसांपासून बेपत्ता होतं, आम्ही जगण्याची आशा सोडून दिली होती," असे म्हणताना आईचा कंठ दाटून आला. बिबवेवाडी पोलिसांनी तत्परता दाखवत स्वप्निलचा ताबा घेतला आणि त्याला पुण्यात राहणाऱ्या त्याच्या नातेवाईकांकडे सुखरूप सोपवले. १० दिवसांच्या वनवासानंतर आपल्या लेकाला सुखरूप पाहून पालकांच्या डोळ्यांत आनंदाश्रू दाटले.