TRENDING:
उत्तमनगर पोलीस ठाण्याचे वरिष्ठ पोलीस निरीक्षक राघवेंद्र क्षीरसागर यांनी या वाहनाचा संशयास्पद वेग पाहून स्वतः पाठलाग सुरू केला. ही कार शिवणेकडून वारजे हायवे चौकाकडे अतिशय वेगाने धावत होती. वाटेत या कारने ३ ते ४ वाहनांना जोरदार धडक दिली.
advertisement
भर चौकात पोलिसाला गाडीत ओढले
वारजे हायवे चौकात ही कार आली असता, तिथे तैनात असलेल्या वाहतूक पोलिसांनी कार चालकाला गाडी थांबवण्याचा इशारा केला. मात्र, चालकाने गाडी थांबवण्याऐवजी एका पोलिसाचा हात पकडून त्याला थेट कारमध्ये ओढण्याचा प्रयत्न केला. सुदैवाने, मागून येणारे वरिष्ठ निरीक्षक क्षीरसागर यांनी तत्काळ धाव घेत कार गाठली आणि आरोपीला भर चौकातच हिसका दाखवत जेरबंद केलं.
पकडण्यात आलेल्या चालकाची तपासणी केली असता तो पूर्णपणे मद्यधुंद असल्याचे निष्पन्न झाले. या घटनेत सुदैवाने मोठा अनर्थ टळला असून, निरीक्षक क्षीरसागर यांच्या तत्परतेचे सर्वत्र कौतुक होत आहे. त्यांच्या तत्परतेमुळे या चालकाने आणखी इतर गाड्यांना धडक दिली नाही आणि मोठा अनर्थ टळला.