त्या मागणीसाठी गरोदर पत्नीला पट्ट्यानं मारलं; आळंदीतील 29 वर्षीय विवाहितेनं गाठलं थेट पोलीस ठाणं, घडवली अद्दल

पुणे : आळंदीतून एक धक्कादायक आणि माणुसकीला काळिमा फासवणारी घटना समोर आली आहे. ज्या पतीवर विश्वास ठेवून तरुणीने सात फेरे घेतले, त्यानेत तिच्यासोबत भयंकर कृत्य केलं अन् अखेर तिला पोलीस ठाणं गाठावं लागलं. कर्जाचे हप्ते फेडण्यासाठी माहेरून 2 लाख रुपये घेऊन ये, अन्यथा तुला नांदवणार नाही, अशी धमकी देत एका 29 वर्षीय गरोदर विवाहितेचा छळ करण्यात आला. याप्रकरणी आळंदी पोलिसांनी पतीसह चार जणांवर गुन्हा दाखल केला आहे. विशेष म्हणजे, महिला गरोदर असतानाही तिला लाथाबुक्क्यांनी आणि पट्ट्याने मारहाण करण्यात आल्याने परिसरात तीव्र संताप व्यक्त होत आहे.