Ashok Kharat Case: "तुमचं वाटोळं होईल!" पोलिसांना शाप देणारा खरात SIT समोर ढसाढसा रडला, कोर्टातही मोठी घडमोड

नाशिक: अनेक महिलांचे लैंगिक शोषण आणि आर्थिक फसवणूक केल्याप्रकरणी तुरुंगात असलेल्या अशोक खरातचे एक-एक कारनामे समोर येऊ लागले आहेत. अटक केल्यानंतर सुरुवातीला पोलिसांनाच धर्म, शाप-कोपाचा धाक दाखवत धमकावणारा अशोक खरात चांगलाच हतबल झाल्याची माहिती आहे. पोलिसांनी त्याची कसून चौकशी सुरू केली असून त्याचा माज उतरला असल्याची माहिती सूत्रांनी दिली आहे. पोलिसांकडून तपासाचा फास घट्ट केला जात असल्यानं खरात कोठडीतच ढसाढसा रडत असल्याची माहिती समोर आली आहे. दरम्यान, खरातला आज कोर्टात हजर करण्यात आले. खरातविरोधात आता तिसऱ्या गुन्ह्याचा खटला सुरू होणार आहे.