TRENDING:
पुजारी गणेश देशमुख यांनी पुढे असेही नमूद केले की, देवस्थानमध्ये पारदर्शकतेचा मोठा अभाव असून अध्यक्षांनी आपल्या अधिकारांचा गैरवापर केला आहे. विशेषतः 'व्हीआयपी' दर्शनाच्या नावाखाली भाविकांची लूट करण्यासाठी बनावट पावती पुस्तके छापली गेली आणि त्यातून जमा झालेला पैसा ट्रस्टच्या अधिकृत बँक खात्यात जमा न करता परस्पर हडपला गेला. इतकेच नाही तर देवस्थानच्या मालकीच्या 'इनोव्हा' आणि 'फॉर्च्युनर' सारख्या महागड्या गाड्यांचा वापर देवस्थानच्या कार्याऐवजी स्वतःच्या खाजगी आणि राजकीय फायद्यासाठी केला जात असल्याचा आरोपही त्यांनी केला आहे.
advertisement
या सर्व प्रकरणाची गांभीर्याने दखल घेत पुजारी गणेश देशमुख यांनी पुणे धर्मदाय आयुक्तांकडे पुराव्यांसह रीतसर तक्रार दाखल केली आहे. त्यांनी या संपूर्ण घोटाळ्याची उच्चस्तरीय आणि सखोल चौकशी करण्याची मागणी केली असून, दोषींवर कडक कारवाई करण्याची विनंती केली आहे. या आरोप-प्रत्यारोपांमुळे आई एकवीरा देवीच्या लाखो भाविकांमध्ये सध्या चिंतेचे आणि संतापाचे वातावरण निर्माण झाले आहे.