TRENDING:
मिरवणूक सुरु असताना वाहतूक कोंडी झाली होती. त्यात वादावादी होऊन एका आय टी इंजिनिअरला गजा मारणे याच्या साथीदारांनी मारहाण केली होती. हा आय टी इंजिनिअर मंत्री मुरलीधर मोहोळ यांच्या जवळचा असल्याचे सांगण्यात आले. मोहोळ यांनी या प्रकरणात लक्ष घातल्यानंतर कोथरुड पोलिसांनी गजा मारणे याच्या चिथावणीमुळे त्याच्या साथीदारांनी मारहाण केल्याचा गजा मारणे व त्याच्या साथीदारांवर गुन्हा दाखल केला होता.
advertisement
गजानन मारणे याला आज जामीन मंजूर
गजा मारणे कारागृहातून बाहेर आला असून पोलिस आयुक्तालयात हजेरी लावली. गुन्हे शाखेच्या अधिकाऱ्यांसमोर आज गजा मारणेने हजेरी लावली. पुणे महापालिकेच्या हद्दीबाहेर राहण्याच्या अटीवर जामीन झाल्याने तातडीने शहराबाहेर रवाना होणार आहे.
या प्रकरणात पोलिसांनी मकोका दाखल केला होता. त्यानंतर गजा मारणे याची येरवडा कारागृहात रवानगी करण्यात आली होती त्यानंतर आज विशेष मोक्का न्यायालयाकडून गजानन मारणे याला आज जामीन मंजूर करण्यात आला आहे.
37 वर्षात तब्बल 28 गुन्हे
गजा मारणे याच्यावर आतापर्यंत डेक्कन, कोथरुड, सासवड, दत्तवाडी, पौड, कामोठा, शिरगाव, हिंजवडी, भारती विद्यापीठ पोलीस ठाणे अशा वेगवेगळ्या पोलीस ठाण्यात 28 गुन्हे दाखल आहेत. गजा मारणेवर चार वेळा मोक्का कारवाई करण्यात आली आहे. कुख्यात गुंड गजा मारणेवर 37 वर्षात तब्बल 28 गुन्हे दाखल आहेत. यामध्ये खुन, खुनाचा प्रयत्न, गर्दी मारामारी, खंडणी मागण्याच्या गुन्हांचा समावेश आहे.