TRENDING:
फेसबुकवर मैत्री अन् मांजरीतील 'तो' लॉज
पीडितेची आणि ऋषीकेशची ओळख २०२३ मध्ये फेसबुकच्या माध्यमातून झाली होती. महिलेच्या धार्मिक ओढीचा गैरफायदा घेत ऋषीकेशने तिला अध्यात्म शिकवण्याचे आमिष दाखवले. डिसेंबर २०२३ मध्ये तो तिला भेटण्यासाठी पुण्यात आला आणि मांजरी येथील एका लॉजवर तिला नेले. तेथे तिला गुंगीकारक पदार्थ देऊन तिच्यावर अत्याचार केला. धक्कादायक म्हणजे, याचवेळी त्याने तिचे अश्लील फोटो काढले आणि त्याआधारे तिला ब्लॅकमेल करण्यास सुरुवात केली.
advertisement
मे २०२५ मध्ये ऋषीकेशने पुन्हा या महिलेला वसईतील एका हॉटेलमध्ये बोलावून अतिप्रसंग करण्याचा प्रयत्न केला होता. मात्र, राज्यात भोंदू बाबांच्या विरोधात वातावरण तापल्याने पीडितेने हिंमत एकवटली आणि तक्रार दिली. ऋषीकेशने केवळ या महिलेलाच नाही, तर धर्मगुरू असल्याचे भासवून अनेक तरुण मुलींना आपल्या जाळ्यात ओढले असावे आणि त्यांचे लैंगिक शोषण केले असावे, असा संशय व्यक्त केला जात आहे.
वसईच्या माणिकपूर पोलिसांनी याप्रकरणी गुन्हा दाखल करून पुढील तपासासाठी हे प्रकरण पुण्यातील हडपसर पोलिसांकडे वर्ग केले आहे. मात्र, आणखी एक प्रकरण समोर आल्यानं राज्यात खळबळ उडाली आहे.