TRENDING:
नेमकी घटना काय?
मिळालेल्या माहितीनुसार, नवनाथ बबन शेटे (वय ४०) हे गुरुवारी (८ जानेवारी) सायंकाळी साडेसहाच्या सुमारास नवलाख उंब्रे परिसरातील एका शेतात लघुशंका करत होते. यावेळी शेतात लघुशंका केल्याच्या कारणावरून आरोपींनी त्यांच्याशी वाद घालण्यास सुरुवात केली. वादाचे रूपांतर पुढे हाणामारीत झाले आणि तिन्ही आरोपींनी मिळून नवनाथ शेटे यांना लाथाबुक्क्यांनी मारहाण केली.
advertisement
याप्रकरणी पोलिसांनी राहुल भगवान शेटे (वय ३८), प्रमोद भगवान शेटे (३५) आणि रुद्राक्ष काळुराम शेटे (वय १८) या तिघांविरुद्ध गुन्हा दाखल केला आहे. हे सर्व आरोपी नवलाख उंब्रे येथीलच रहिवासी आहेत.
मारहाण झाल्यानंतर नवनाथ शेटे यांनी शुक्रवारी (९ जानेवारी) पोलीस ठाण्यात धाव घेऊन फिर्याद दिली. पोलिसांनी या घटनेची गंभीर दखल घेतली असून, सार्वजनिक ठिकाणी अशा प्रकारे कायदा हातात घेणाऱ्यांवर कडक कारवाई करण्याचे संकेत दिले आहेत. तळेगाव एमआयडीसी पोलीस या प्रकरणाचा अधिक तपास करत आहेत.
पुण्यातून आणखी एक धक्कादायक घटना समोर आली आहे. यात सिग्नलला थांबलेल्या रिक्षाचालकाला जबरदस्तीने दुसऱ्या ठिकाणी नेऊन मारहाण करण्यात आली आणि यानंतर लुटण्यात आलं. ही घटना शुक्रवारी रात्री मोशीतील बोऱ्हाडे वस्ती येथे घडली.