TRENDING:
लखोजीराजे जाधव यांच्या राजवाड्यात नैऋत्य दिशेला असलेल्या म्हाळसामहलात जिजाऊ यांचा जन्म झाला. जन्म झाला तेव्हा सकाळी सहा वाजता सूर्योदयाची वेळ होती. 12 जानेवारी 1598 ही त्यांची जन्मतारीख. आपण मुलगी ही धनाची पेटी आहे असं म्हणतो. या उक्तीचा तंतोतंत अनुभव जिजाऊ जन्मावेळी झाला. कारण जिथे जिजाऊ जन्मल्या त्या खोलीच्या बरोबर खाली तिजोरी होती, असं ठाकरे सांगतात.
advertisement
चार मुलानंतर कन्यारत्न
चार मुलानंतर जेव्हा जिजाऊ यांच्या रूपात लखोजी जाधवांना कन्या झाली, तेव्हा त्यांनी हत्तीवरून साखर पान वाटले होते. त्या काळात मुलीच्या जन्माचे एवढ्या उत्साहात स्वागत करणारे लखोजी राजे खरोखर दूरदृष्टी असलेले राजे होते.
लखोजी जाधव यांच्या याच राजवाड्यात जिजाऊ वाढल्या, लहानाच्या मोठ्या झाल्या. घोड्यावर बसणे, शस्त्रे चालवणे, युद्धकला, विद्या, राजनीती आदीचे शिक्षण घेतले. यावरून स्त्री शिक्षण यांविषयी लखोजी यांची दूरदृष्टी लक्षात येते, असं इतिहास अभ्यासक विनोद ठाकरे यांनी सांगितलं.