बुलढाण्यात सुपारी देऊन शिक्षिकेचा खून, पतीनेच रचला खूनी खेळ, कांड बघून पोलीसही चक्रावले

राहुल खंडारे, प्रतिनिधी बुलढाणा: बुलढाणा जिल्ह्यातील जळगाव जामोद पोलीस स्टेशनच्या हद्दीत झालेल्या अपघातात ठार झालेल्या शिक्षिकेच्या मृत्यूप्रकरणी एक मोठी अपडेट समोर आली आहे. सकाळी शाळेत जाण्यासाठी निघालेल्या शिक्षिकेचा एका रस्ते अपघातात निधन झालं होतं. त्यांना मालवाहू ट्रकने उडवलं होतं. प्रथमदर्शनी हा अपघात वाटत होता. मात्र आता या घटनेच्या सात दिवसानंतर पोलिसांनी या अपघाताचं गूढ उलगडलं आहे. हा अपघात नसून घातपात असल्याचं पोलिसांनी समोर आणलं आहे. धक्कादायक बाब म्हणजे ही हत्या दुसरी तिसरी कुणी नव्हे तर शिक्षिकेच्या पतीनेच सुपारी देऊन घडवून आणल्याचं समोर आलं आहे.