कुख्यात गुंड निलेश घायवळ हा परदेशात पळून गेला असून पोलीस त्याचा शोध घेत आहे. या प्रकरणावरून पुणे पोलिसांचे अक्षरशः नाक कापले गेले आहे. अशातच गृहराज्यमंत्री योगेश कदम यांनी निलेश घायवळचा सख्खा भाऊ आणि कुख्यात गुंड सचिन घायवळ याला शस्त्र परवाना मंजूर केला आहे. या परवान्यास पोलिसांचा विरोध असूनही कदमांनी शस्त्र परवाना दिला आहे. घायवळ याच्यावर कोणत्याही प्रकारचे गुन्हे नोंद नाही म्हणून त्यांना मी शस्ञ परवाना दिला असे म्हटले आहेत मात्र सचिन घायवळ याच्यावर कोणकोणते गुन्हे आहेत यादी यादीच न्यूज १८ लोकमतच्या हाती लागली आहे.
advertisement
सचिन घायवळवर एकूण पाचपेक्षा अधिक गंभीर गुन्हे दाखल आहेत.
सचिन घायवळवर दाखल असलेल्या गुन्ह्यांची यादी
- महाराष्ट्र नियंत्रण संघटित गुन्हे कायदा (मोक्का) निलेश घायवळ गँगच्या प्रमुख सचिन घायवळ सदस्य म्हणून गुन्हेगारी कारवाईमध्ये सहभाग.पप्पू ऊर्फ सचिन कुडले खून प्रकरणात आरोपी क्रमांक ३ (अ‍पील क्रमांक २५/२०१४ पुणे (स्पेशल कोर्ट) २०१४ बॉम्बे हायकोर्ट अ‍ॅपील तपास चालू)
- खुनाचा प्रयत्न शत्रू गँगविरुद्ध हल्ले आणि धमक्या. निलेशच्या टोळीशी जोडलेल्या गुन्ह्यांमध्ये सहभाग.
- शस्त्र कायदा बेकायदेशीर शस्त्रे सोबत धरले जाणे किंवा वापरणे. याआधी दाखल गुन्हा असतानाही नवीन शस्त्र परवाना मंजूर झाल्याने वाद.पुणे २०१४-२०२५ (चालू तपास)
- गुन्हेगारी कारवाया खंडणी, मारहाण आणि टोळीशी संबंधित गुन्हे. विरोधी गँगशी वैरामुळे २०१४ मध्ये दोन सदस्यांच्या खुनाशी अप्रत्यक्ष जोड. विविध (२०१०-२०२४)
- २०१५ मध्ये पुणे पोलिसांनी निलेश गँगच्या १३ सदस्यांना (सचिनसह) एक वर्षासाठी शहराबाहेर हद्दपार केले. हे विरोधी गँगशी वैरामुळे झाले.
- अतुल कुडलेच्या तक्रारीवर घायवळ टोळीतील २६ जणांवर महाराष्ट्र नियंत्रण संघटित गुन्हे कायदा (MCOCA) अंतर्गत कारवाई. यात खून (IPC कलम ३०२), खुनाचा प्रयत्न, शस्त्र कायदा (आर्म्स अॅक्ट) आणि संघटित गुन्हे यांचा समावेश.
- आरोपी निलेश घायवळ (प्रमुख आरोपी), सचिन घायवळ (त्याचा भाऊ, आरोपी क्रमांक ३), संतोष गावडे आणि इतर २४ जण.
- न्यायालयीन निकाल: फेब्रुवारी २०१९ मध्ये पुणे स्पेशल कोर्टाने पुराव्याअभावी सर्व २६ आरोपींना निर्दोष मुक्तता दिली. निलेश घायवळ तुरुंगातून सुटला, पण बॉम्बे हायकोर्टात अ‍ॅपील (क्रमांक २५/२०१४) सुरू आहे.
पुणे शहर (कोथरूड) २०१०-२०१५ (जुने केसेस; पुरावे सुरू)
संबंधित केस : हे प्रकरण सचिन घायवळच्या MCOCA केसमध्येही उल्लेखित आहे, ज्यात तो आरोपी क्रमांक ३ होता.
गृहराज्यमंत्री नेमकं काय म्हणाले?
विरोधकांच्या टीकेनंतर गृहराज्यमंत्री म्हणाले, गृहराज्यमंत्रिपदाच्या खुर्चीत बसलोय तेव्हापासून आजवर गुन्हे दाखल असलेल्या कोणत्याही व्यक्तीला किंवा प्रलंबित गुन्हे दाखल असलेल्या व्यक्तीला शस्त्र परवाना देण्याची शिफारस केली नाही. मी या भूमिकेवर ठाम आहे. गुन्हेगारी प्रवृत्तीला पुढे आणण्याचं काम माझ्याकडून आजवर कधीच झालेलं नाही आणि यापुढेही होणार नाही.