Tandalachi Ukad Recipe : नाश्त्यासाठी तेचतेच पदार्थ खाऊन कंटाळलात? बनवा खास तांदळाची उकड, रेसिपीचा Video

एक वाटी तांदळाचे पीठ, तेल, जिरे, मोहरी, हिंग, हळद, बारीक चिरलेली हिरवी मिरची, कढीपत्ता, बारीक चिरलेले आले, लिंबू, चवीप्रमाणे मीठ, गरम पाणी, गार्निशिंगसाठी बारीक शेव आणि शेंगदाण्याची चटणी एवढेच साहित्य याकरता लागणार आहे.

सर्वात पहिले कढई गरम झाल्यानंतर त्यामध्ये तेल टाकायचे. तेल गरम झाले नंतर जिरे, मोहरी यांची फोडणी घालायची. त्यामध्ये हिंग, कढीपत्ता, बारीक चिरलेले आले आणि हिरवी मिरची टाकायची. हे सगळे छान फ्राय झाले की यामध्ये एका वाटीला दोन वाटी गरम पाणी टाकायचे. पाण्याला उकळी आली की त्यामध्ये हळद टाकून द्यायची आणि चवीप्रमाणे मीठ टाकायचे. त्यामध्ये तांदळाची पिठी टाकायची. तांदळाची पिठी टाकल्यानंतर व्यवस्थित एकजीव करून घ्यायचे, त्यामध्ये कुठल्याही प्रकारच्या गुठळ्या राहता कामा नये. त्याला पाच मिनिटे शिजू द्यायचे. त्यानंतर गॅस बंद करून टाकायचा. आपली उकड तयार आहे.