पार्थ पवार यांच्या घोटाळ्याचा दुसरा धमाका उजेडात आलाय. अमेडिया एलएलपीचा मुंढवा जमीन घोटाळा समोर आलेला असतानाच आता याच कंपनीनं केलेल्या जमीन घोटाळ्याचा दुसरा प्रताप समोर आलाय. राज्य सरकारच्या बोपोडीतील डेअरी विभागाची मालकी असलेल्या जमीनीवर खासगी इसमाचे नाव चढवून सरकारची फसवणूक करण्यात आली. या प्रकरणी तहसीलदार सुर्यकांत येवले यांना निलंबित करण्यात आलं होतं. मात्र आता या ही जमिनीची खरेदी पार्थ पवार यांच्या अमेडिया एलएलपीकडून करण्यात आल्याचं उघड झालंय. त्यामुळे खडक पोलिसांकडे दुसरा गुन्हा दाखल करण्यात आलाय. त्यामुळे विरोधकांनी पुन्हा आक्रमक पवित्रा घेतलाय.
advertisement
बोपोडीतील सरकारी जमीन घोटाळ्याचं प्रकरण नेमकं काय आहे?
15 एकर जमीन कृषी विभागाच्या ताब्यात होती. तहसीलदार येवलेंकडून त्यातील नावांमध्ये फेरफार करण्यात आला. हेमंत गावडे, राजेंद्र विध्वंस, ऋषिकेश विध्वंस, मंगल विध्वंस, विद्यानंद पुराणिक, जयश्री एकबोटेंच्या नावे जमीन करण्यात आली. जमिनीचं कुलमुखत्यारपत्र शीतल तेजवाणीच्या नावे केलं. पार्थ पवारांच्या कंपनीनं तेजवाणींकडून जमीन खरेदी केली. जमिनीच्या ताब्यासाठी पार्थ पवारांच्या कंपनीचं पत्र देण्यात आलं. या प्रकरणी तहसीलदार येवलेंसह 9 जणांविरोधात गुन्हा दाखल करण्यात आलाय.
पार्थ पवारांचे सलग दोन जमीन घोटाळे राज्यासमोर आले आहेत. त्यामुळे विरोधकांना मोठा राजकीय मुद्दा मिळालाय. तर दुसरीकडे नगरपालिका निवडणुकीच्या तोंडावर अजित पवारांच्या राष्ट्रवादी काँग्रेसची कोंडी झाल्याचं पाहायला मिळतंय.