सुमन लक्ष ठेवायची, पुण्यातील कुटुंब घराबाहेर गेली की घरात घुसून करायची मोठं कांड; 250 सीसीटीव्ही तपासताच खळबळ

250 सीसीटीव्ही फुटेजचा थरार

सांगवी पोलीस ठाण्यात २५ फेब्रुवारी रोजी घरफोडीचा गुन्हा दाखल झाल्यानंतर, गुन्हे शाखा युनिट-१ च्या पथकाने तपासाची चक्र फिरवली. घरफोडी करणाऱ्या आरोपीचा कोणताही माग नसताना पोलिसांनी सांगवी ते वारजे माळवाडी दरम्यानच्या मार्गावरील २५० हून अधिक सीसीटीव्ही कॅमेऱ्यांचे फुटेज तपासले. या तांत्रिक तपासादरम्यान एक महिला संशयास्पद हालचाली करताना दिसून आली.

advertisement

तपासात निष्पन्न झालं की, सुमन दत्ता लोंढे (वय ३५, रा. वारजे माळवाडी) ही महिला घराबाहेर जाणाऱ्या लोकांच्या घरावर लक्ष ठेवायची. घराला कुलूप लावून चावी घराबाहेर किंवा कुंडीत लपवून ठेवणाऱ्यांची ती खात्री करायची आणि संधी मिळताच घरात शिरून दागिने लंपास करायची. पोलिसांनी शिताफीने तिला वारजे माळवाडी परिसरातून तिला ताब्यात घेतलं.

ही कामगिरी गुन्हे शाखेच्या पथकाने वरिष्ठ अधिकाऱ्यांच्या मार्गदर्शनाखाली पार पाडली. या घटनेनंतर घराबाहेर चावी ठेवण्याची चूक किती महागात पडू शकते, याचा प्रत्यय अनेकांना आला आहे.