TRENDING:

Chakan Fire: पुण्याच्या चाकणमध्ये पेट्रोल पंपावर आगीचं रौद्ररूप; 40 नव्याकोऱ्या ई-स्कूटर क्षणात जळून खाक, नेमकं काय घडलं?

Last Updated:

कंटेनरमध्ये डिलिव्हरीसाठी नेण्यात येत असलेल्या ४० नवीन इलेक्ट्रिक दुचाकी ठेवण्यात आल्या होत्या. कंटेनर पूर्णपणे पेटल्याने या सर्व बाइक्स क्षणार्धात जळून खाक झाल्या.

impactshort
इम्पॅक्ट शॉटतुमचा गेटवे लेटेस्ट न्यूज
advertisement
पुणे : पुणे जिल्ह्यातील चाकण परिसरात पहाटेच्या वेळी एक मोठी दुर्घटना घडली आहे. तळेगाव-चाकण रस्त्यावरील खराबवाडी गावात असलेल्या इंडियन ऑईल पेट्रोल पंपाजवळ डिझेल भरण्यासाठी आलेल्या मोठ्या कंटेनरला अचानक आग लागली. NL-01AE-7346 या क्रमांकाच्या कंटेनरमध्ये डिलिव्हरीसाठी नेण्यात येत असलेल्या ४० नवीन इलेक्ट्रिक दुचाकी ठेवण्यात आल्या होत्या. कंटेनर पूर्णपणे पेटल्याने या सर्व बाइक्स क्षणार्धात जळून खाक झाल्या. सुदैवाने या घटनेत कोणतीही जीवितहानी झाली नाही. मात्र, अचानक लागलेल्या या भीषण आगीमुळे परिसरात भीतीचे वातावरण पसरले.
कंटेनरला भीषण आग
कंटेनरला भीषण आग
advertisement

पहाटेच्या सुमारास कंटेनर चालक डिझेल भरण्यासाठी पंपावर आला होता. त्याने मालकाशी संपर्क साधण्याचा प्रयत्न केला, पण मालक फोन न उचलल्याने त्याने कंटेनर पंपाच्या अगदी शेजारी उभा केला. याच दरम्यान रस्त्यावरून जाणाऱ्या एका नागरिकाने कंटेनरमधून धूर येत असल्याचे चालकाच्या निदर्शनास आणून दिले. सुरुवातीला किरकोळ दोष वाटल्याने त्याने याकडे दुर्लक्ष केले. मात्र, धूर वाढू लागल्याने चालकाने तातडीने परिस्थिती तपासण्यासाठी कंटेनरचा मागील दरवाजा उघडला आणि त्याच क्षणी आगीच्या मोठ्या लाटा बाहेर पडल्या. आत पेटलेल्या दुचाकी पाहून तो हादरला आणि त्याने मदतीसाठी आरडाओरडा केला.

advertisement

पुण्यात पोलिसांनी रिक्षा अडवली; आत सापडलं असं काही की सगळेच थक्क, चालकाला अटक

ही आग पेट्रोल पंपाच्या अत्यंत जवळ लागली होती. पंपावर इंधनाचे मोठे टँक असल्याने, थोडा जरी विलंब झाला असता किंवा आग पंपापर्यंत पोहोचली असती, तर मोठा स्फोट होऊन मोठी आपत्ती ओढावली असती. पंपावरील कर्मचारी आणि चालकाने दाखवलेल्या तत्परतेमुळे तातडीने पोलीस आणि अग्निशमन दलाला संपर्क साधण्यात आला. काहीच मिनिटांत महाळुंगे एमआयडीसी पोलीस ठाण्याचे पथक आणि अग्निशमन दलाच्या तीन गाड्या घटनास्थळी दाखल झाल्या. अग्निशामक कर्मचाऱ्यांनी शर्थीचे प्रयत्न करून आग इतरत्र पसरू न देता नियंत्रण मिळवले.

advertisement

टॉप व्हिडीओज

सर्व पहा
Krushi Market: मक्याचे दर भुईसपाट! कांदा, सोयाबिनला रविवारी किती मिळाला भाव?
सर्व पहा

पहाटेच्या वेळी अचानक लागलेल्या या आगीमुळे परिसरातील नागरिकांची एकच धांदल उडाली. लाखो रुपयांचे नुकसान झाल्याचा अंदाज व्यक्त केला जात आहे, कारण कंटेनरमधील सर्व इलेक्ट्रिक बाइक्स अगदी नवीन होत्या. आग नेमकी कशामुळे लागली याचे कारण अद्याप अस्पष्ट असून, पोलीस आणि संबंधित कंपनीचे अधिकारी अधिक तपास करत आहेत.

मराठी बातम्या/पुणे/
Chakan Fire: पुण्याच्या चाकणमध्ये पेट्रोल पंपावर आगीचं रौद्ररूप; 40 नव्याकोऱ्या ई-स्कूटर क्षणात जळून खाक, नेमकं काय घडलं?
बातम्या
फोटो
व्हिडिओ
लोकल