TRENDING:
प्रकरण काय?
जुन्नरमधील महाजन आळीत राहणारे आनंद सासवडे यांचा भांड्याचा मोठा व्यवसाय आहे. शुक्रवारी रात्रीच्या सुमारास त्यांच्या गोडाऊनचे कुलूप तोडून अज्ञात चोरट्यांनी तांब्याचे हंडे लंपास केले होते. चोरीचा प्रकार लक्षात आल्यानंतर सासवडे यांनी पोलिसांत धाव घेतली. विशेष म्हणजे, चोरट्यांनी इतर महागड्या वस्तू सोडून केवळ तांब्याच्या हंड्यांवर हात साफ केल्याने ही एक विचित्र चोरी ठरली होती.
advertisement
स्थानिक गुन्हे शाखेने या प्रकरणाचा समांतर तपास सुरू केला. यावेळी परिसरातील सीसीटीव्ही फुटेजमध्ये काही संशयास्पद महिला हंडे घेऊन जाताना दिसून आल्या. सहाय्यक फौजदार दीपक साबळे यांच्या पथकाला गोपनीय माहिती मिळाली की, जुन्नरमधील पंचलिंग वस्ती येथील सारिका मकवाने, अंजली वाघमारे आणि सुरेखा वालेकर या महिलांनीच हा प्रताप केला आहे.
पोलिसांनी कुरण फाटा येथे सापळा रचून या तिघींना ताब्यात घेतले. पोलिसी खाक्या दाखवताच त्यांनी गुन्ह्याची कबुली दिली. पोलिसांनी त्यांच्याकडून चोरीला गेलेल्या ९० पैकी ५५ हंडे हस्तगत केले आहेत. या कारवाईमुळे परिसरात मोठी चर्चा रंगली असून, घरफोड्यांमध्ये महिलांच्या वाढत्या सहभागामुळे नागरिक अवाक झाले आहेत.