TRENDING:
नेमका प्लॅन काय?
शहरातील सार्वजनिक वाहतूक अधिक सक्षम करण्यासाठी पालिकेने मेट्रो स्थानकांलगतच्या 'ॲमेनिटी स्पेस'चा शोध घेतला आहे. पालिकेच्या प्रकल्प विभागाने एकूण ३४ जागांची पाहणी केली असून, त्यातील ३१ जागा पार्किंगसाठी योग्य असल्याचे शिक्कामोर्तब झाले आहे. हे सर्व पार्किंग लॉट्स मेट्रो स्टेशनपासून अवघ्या ५०० मीटर अंतरावर (TOD झोनमध्ये) असतील, जेणेकरून प्रवाशांना चालत स्टेशन गाठणे सोपे होईल.
advertisement
१.५ ते २ लाख प्रवाशांना दिलासा
सध्या वनाझ ते रामवाडी आणि पिंपरी-चिंचवड ते स्वारगेट या मार्गावर दररोज दीड ते दोन लाख पुणेकर प्रवास करत आहेत. हिंजवडी-शिवाजीनगर मेट्रो मार्ग सुरू झाल्यावर ही संख्या आणखी वाढणार आहे. अशावेळी प्रवाशांची संख्या वाढवण्यासाठी पार्किंग अनिवार्य असल्याचे वारंवार समोर आले होते. त्यानुसार, महापालिका आणि महामेट्रोने संयुक्तपणे हा निर्णय घेतला आहे.
लवकरच सुविधा उपलब्ध
प्रकल्प विभागप्रमुख दिनकर गोजारे यांनी दिलेल्या माहितीनुसार, ३१ पैकी ४ ठिकाणे आधीच पार्किंगसाठी उपलब्ध करून देण्यात आली आहेत. उर्वरित २७ जागांच्या विकासाचे काम युद्धपातळीवर सुरू आहे. यामुळे रस्तेवर होणारी अनधिकृत पार्किंग कमी होऊन वाहतूक कोंडीतूनही पुणेकरांची सुटका होईल.