TRENDING:
यंत्रणेने दिला 'वॉटर अलर्ट'
मिळालेल्या माहितीनुसार, ही घटना १४ मार्च रोजी घडली. मेट्रोच्या नियंत्रण कक्षात अचानक 'वॉटर अलर्ट' दिसू लागल्याने अधिकाऱ्यांची धावपळ उडाली. ऑपरेटरच्या ही बाब निदर्शनास येताच मेट्रोच्या तांत्रिक पथकाने तातडीने संपूर्ण बोगद्याची पाहणी केली. तेव्हा शुक्रवार पेठ येथील एका खाजगी जागेत बेकायदेशीरपणे बोरवेलचे काम सुरू असल्याचे दिसून आले. तसेच त्याचे टोक थेट खाली असलेल्या मेट्रो बोगद्याच्या सिमेंट रिंगला छेदून आत आल्याचे धक्कादायक वास्तव समोर आले.
advertisement
बोगद्याला भगदाड पडल्याने पाणी झिरपण्यास सुरुवात झाली होती. ज्यामुळे मेट्रोच्या विजेच्या तारा आणि रुळांना धोका निर्माण होऊ शकला असता. मात्र, मेट्रो प्रशासनाने युद्धपातळीवर काम करत हे ६ इंचाचे छिद्र विशेष केमिकल आणि काँक्रीटचा वापर करून पूर्णपणे बुजवले आहे. या गंभीर निष्काळजीपणाबद्दल आणि मेट्रो मालमत्तेचे नुकसान केल्याप्रकरणी संबंधित जागा मालक आणि कंत्राटदारावर गुन्हा दाखल करण्यात आला आहे.
पुणे मेट्रोचा हा मार्ग जमिनीखाली बराच खोल असल्याने वरच्या भागात खोदकाम करताना मेट्रो प्रशासनाची परवानगी घेणे अनिवार्य आहे. मात्र, नियमांचे उल्लंघन करून केलेल्या या कामामुळे प्रवाशांच्या सुरक्षिततेचा मोठा प्रश्न निर्माण झाला होता.