TRENDING:
पंढरपूर तालुक्यातील करकंब आणि माढा तालुक्यातील मोडनिंब या दोन गावांच्या सीमेवर 'नवरा-नवरी'चे एक प्राचीन मंदिर आहे. या मंदिराची पिढ्यानपिढ्या चालत आलेली एक थक्क करणारी आख्यायिका ग्रामस्थ नारायण माने यांनी लोकल18 सोबत बोलताना सांगितली.
आता पेरणीचं काम होणार सोपे, सोलापुरातील शेतकऱ्याने बनवले अनोखे यंत्र, किंमत किती? Video
अनेक वर्षांपूर्वी एक वरात अतिशय थाटामाटात या रस्त्यावरून निघाली होती. सजवलेली बैलगाडी, त्यात बसलेली नवरी आणि शेकडो वऱ्हाडी जल्लोषात जात असताना, या सीमाभागात वरात आल्यावर अचानक अदृश्य झाली. ती वरात नेमकी कुठे गेली, त्यांना जमिनीने गिळलं की काय झालं, हे आजही एक न सुटलेलं गूढ आहे. याच ठिकाणी आता नवरा-नवरीचे मंदिर असून भाविकांचे ते श्रद्धास्थान बनले आहे.
advertisement
आज हे ठिकाण केवळ एक आख्यायिका नसून एक 'जागृत देवस्थान' म्हणून ओळखले जाते. या मंदिराबाबत भाविकांची मोठी श्रद्धा आहे. मंदिरात नवरा-नवरीच्या मूर्तींसह म्हसोबाची देखील मूर्ती आहे. अनेक भाविक या ठिकाणी येऊन मागणं मागतात आणि इच्छा पूर्ण झाल्यावर मोठ्या श्रद्धेने आपला नवस फेडतात, असं गावकरी सांगतात.
आजूबाजूच्या अनेक गावांतील लोकांसाठी हे मंदिर आस्थेचा विषय ठरत आहे. दररोज या ठिकाणी रीतसर पूजा-अर्चा केली जाते. एका रहस्यमयी घटनेतून उदयाला आलेलं हे मंदिर आज भक्तांच्या हाकेला धावणारं 'नवसाला पावणारे नवरा-नवरी' मंदिर म्हणून प्रसिद्ध झाले आहे.
(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)