पुण्यात 2 अल्पवयीन मुलींना घरात बोलवलं, व्हिडिओ दाखवले, मग दार बंद करून धक्कादायक कृत्य, आरोपीला आता घडली अद्दल

नेमकी घटना काय?

ही धक्कादायक घटना २७ ऑगस्ट २०२० रोजी हडपसर परिसरात घडली होती. आरोपी जाधव याने दोन अल्पवयीन मुलींना आपल्या घरी बोलावलं. तिथे त्यांना मोबाइलवर अश्लील व्हिडिओ दाखवण्याचा विकृत प्रकार केला. त्यानंतर, एका मुलीला घराबाहेर काढून त्याने दार आतून बंद केलं आणि दुसऱ्या मुलीवर लैंगिक अत्याचार केला. या घटनेनंतर पीडित मुलींनी घरी माहिती दिल्यावर वानवडी पोलीस ठाण्यात गुन्हा दाखल करण्यात आला होता.

advertisement

Fraud News: आधी ओळख, मग संबंध अन् शेवटी उच्चशिक्षित तरुणासोबत मोठा गेम; मॅट्रिमोनिअल साईटवर पुणेकरांसोबत होतोय भयंकर खेळ

खटल्याच्या सुनावणीदरम्यान सरकारी वकील मिलिंद दातरंगे आणि मुस्कान संस्थेचे ॲड. गौरव जाचक यांनी १४ साक्षीदार तपासले. यामध्ये पीडित मुलगी, तिची आई आणि वैद्यकीय अधिकाऱ्यांची साक्ष निर्णायक ठरली. गुन्ह्याचे गांभीर्य लक्षात घेता, आरोपीला जास्तीत जास्त शिक्षा देण्याची मागणी करण्यात आली होती. न्यायालयाने ती मान्य करत जाधव याला २० वर्षे सक्तमजुरीची शिक्षा सुनावली. तसेच, दंडाची रक्कम पीडित मुलीला नुकसान भरपाई म्हणून देण्याचे आदेशही न्यायालयाने दिले आहेत.

या निकालामुळे अशा विकृत प्रवृत्तींना मोठा चाप बसला असून, पीडितेच्या कुटुंबीयांना न्याय मिळाला आहे.