TRENDING:
दौंड येथील एका १० महिन्यांच्या बालकाच्या फुप्फुसात प्लास्टिकचा मणी अडकला होता, ज्यामुळे त्याला श्वास घेणे कठीण झाले होते. दुसऱ्या घटनेत, लोणी येथील एका ९ महिन्यांच्या बालिकेला तीव्र खोकला आणि श्वास घेण्यास त्रास होत होता. ससूनमध्ये तपासणी केली असता, तिच्या फुप्फुसात शेंगदाणा अडकल्याचे समोर आले. यापूर्वी खासगी रुग्णालयात या बालिकेच्या आजाराचे योग्य निदान होऊ शकले नव्हते.
advertisement
अत्याधुनिक तंत्रज्ञानाने शस्त्रक्रिया: दोन्ही बालकांची प्रकृती चिंताजनक असल्याने ससूनच्या कान, नाक व घसा (ENT) विभागाने तातडीने निर्णय घेतला. 'एंडोस्कोपिक ब्राँकोस्कोपी' या गुंतागुंतीच्या प्रक्रियेद्वारे आणि 'ऑप्टिकल फोर्सेप' या अत्याधुनिक यंत्राचा वापर करून फुप्फुसात अडकलेल्या वस्तू अत्यंत काळजीपूर्वक बाहेर काढण्यात आल्या. कोणतीही मोठी जखम न करता दुर्बिणीद्वारे ही शस्त्रक्रिया यशस्वी करण्यात आली.
डॉक्टरांच्या पथकाची कामगिरी: विभागप्रमुख डॉ. राहुल तेलंग यांच्या मार्गदर्शनाखाली डॉ. संजयकुमार सोनावले, डॉ. राहुल ठाकूर आणि त्यांच्या पथकाने ही कामगिरी केली. ससूनचे अधिष्ठाता डॉ. एकनाथ पवार यांनी या यशाबद्दल डॉक्टरांचे कौतुक केले आहे. डॉक्टरांनी या निमित्ताने पालकांना आवाहन केले आहे की, लहान मुले खेळताना तोंडात वस्तू घालतात, अशा वेळी पालकांनी विशेष लक्ष देणे गरजेचे आहे.