TRENDING:
कशासाठी घेतली लाच?
एका बांधकाम व्यावसायिकाने नारायणगाव परिसरात (पुणे-नाशिक महामार्ग) भागीदारीत एक गृहप्रकल्प सुरू केला आहे. या इमारतीचे ९० टक्के काम पूर्ण झाले असून, 'अंशतः पूर्णत्व प्रमाणपत्र' मिळवण्यासाठी त्यांनी प्रांताधिकाऱ्यांकडे प्रस्ताव सादर केला होता. हे प्रमाणपत्र मंजूर करण्यासाठी गोविंद शिंदे यांनी सुरुवातीला ५ लाख रुपयांची मागणी केली होती, असा आरोप तक्रारदाराने केला आहे.
advertisement
तक्रारदाराने या लाचेच्या मागणीबाबत २४ मार्च रोजी पुणे लाचलुचपत प्रतिबंधक विभागाकडे धाव घेतली होती. एसीबीने या तक्रारीची पडताळणी केली असता, शिंदे यांनी तडजोडीनंतर २ लाख रुपये स्वीकारण्याचे मान्य केल्याचं समोर आलं. अखेर शुक्रवारी दुपारी ३ च्या सुमारास मंचर येथील उपविभागीय कार्यालयातच तक्रारदाराकडून २ लाख रुपये घेताना एसीबीच्या पथकाने शिंदे यांना रंगेहाथ पकडले.
पुणे लाचलुचपत प्रतिबंधक विभागाचे सहाय्यक आयुक्त दयानंद गावडे यांच्या मार्गदर्शनाखाली पोलीस निरीक्षक प्रसाद लोणारे आणि प्रवीण निंबाळकर यांनी ही कारवाई केली. एका जबाबदार पदावर असलेल्या अधिकाऱ्याने अशा प्रकारे भ्रष्टाचाराचा मार्ग पत्करल्याने प्रशासकीय वर्तुळात तीव्र संताप व्यक्त केला जात आहे.