TRENDING:
नेमकी घटना काय?
विमाननगर येथील 'अमिनन्स बाय नाईकनवरे' या उच्चभ्रू सोसायटीत राहणारे सूर्यनारायण राजरतिलम यांच्या घरातून शनिवारी (१७ जानेवारी) १ लाख ३२ हजार रुपयांची रोकड चोरीला गेली होती. या प्रकरणी विमानतळ पोलीस ठाण्यात गुन्हा दाखल झाल्यानंतर पोलिसांनी तातडीने तपास सुरू केला.
advertisement
सीसीटीव्हीने उघड केला बनाव: पोलीस उपनिरीक्षक नितीन राठोड आणि त्यांच्या पथकाने सोसायटीतील सीसीटीव्ही फुटेजची कसून तपासणी केली. पहाटे साडेपाच वाजण्याच्या सुमारास दूध देण्यासाठी आलेली एक व्यक्ती संशयास्पद हालचाली करताना कॅमेऱ्यात कैद झाली होती. या धाग्यादोऱ्यावरून पोलिसांनी तपास चक्रे फिरवून व्यंकटेश वसंत करंडे (वय ३४, रा. वडगावशेरी) याला ताब्यात घेतले. पोलिसांनी खाक्या दाखवताच आरोपीने दुधवाल्याच्या वेशात चोरी केल्याची कबुली दिली.
वरिष्ठ पोलीस निरीक्षक गोविंद जाधव आणि पोलीस निरीक्षक शरद शेळके यांच्या मार्गदर्शनाखाली ही कारवाई करण्यात आली. पोलिसांनी आरोपीकडून चोरीचा संपूर्ण ऐवज हस्तगत केला आहे. उच्चभ्रू सोसायट्यांमध्ये घरकाम करणारे किंवा सेवा देणारे लोक अशा प्रकारे चोरी करू शकतात, त्यामुळे नागरिकांनी सतर्क राहावे, असे आवाहन पोलिसांनी केले आहे.