TRENDING:
फेसबुकवरून मैत्री अन् कांड
पीडित महिला पुण्यातील रहिवासी असून २०२३ मध्ये तिची ओळख ऋषिकेशशी फेसबुकवर झाली होती. महिलेच्या धार्मिक ओढीचा फायदा घेत ऋषिकेशने तिला अध्यात्म शिकवण्याचे आमिष दाखवले. डिसेंबर २०२३ मध्ये तो तिला भेटण्यासाठी पुण्यात आला. तेथे मांजरी येथील एका लॉजवर नेऊन त्याने महिलेला गुंगीकारक पदार्थ दिला आणि बेशुद्धावस्थेत तिच्यावर बलात्कार केला.
advertisement
अश्लील फोटोंचा वापर करून ब्लॅकमेलिंग
या नराधमाने केवळ अत्याचारच केला नाही, तर पीडितेचे अश्लील फोटो काढून तिला ब्लॅकमेल करण्यास सुरुवात केली. याच फोटोंच्या जोरावर त्याने मे २०२५ मध्ये तिला वसईतील एका हॉटेलमध्ये बोलावून पुन्हा अतिप्रसंग करण्याचा प्रयत्न केला. नाशिकमधील 'खरात' प्रकरण समोर आल्यानंतर पीडितेने हिंमत एकवटली आणि आपल्या पतीला हा सर्व प्रकार सांगितला. या भोंदूने अशाच प्रकारे अनेक तरुणींचे आयुष्य उद्ध्वस्त केल्याची भीती व्यक्त केली जात आहे.
माणिकपूर पोलिसांनी गुन्हा दाखल केल्यानंतर हे प्रकरण पुढील तपासासाठी पुण्यातील हडपसर पोलिसांकडे वर्ग करण्यात आले आहे.