हा व्हिडीओ बारामती शहरातील असल्याचा दावा आमदार रोहित पवार यांनी आपल्या पोस्टमध्ये केला आहे. ‘क्राईम पेट्रोल’ मालिकेत जेवढे एपिसोड आहेत, त्यापेक्षाही जास्त एपिसोड कदाचित बारामती मतदारसंघात फुटलेल्या भ्रष्टाचाराच्या धरणाचे होतील असं वाटतंय, असा टोला रोहित पवार यांनी अजितदादांना लगावला आहे. अजितदादा घ्या, आणखी एक व्हिडिओ, असं म्हणत हा व्हिडीओ रोहित पवार यांनी अपलोड केला आहे. रोहित पवारांनी शेअर केलेल्या व्हिडीओत चौघेजण दिसत आहेत. यामध्ये एकजण नावे लिहून घेत आहेत. तर दुसरा पैसे वाटताना पाहायला मिळत आहे.
advertisement
वाचा - मतदाराने EVM मशीनवर पेट्रोल टाकून लावली काडी; सोलापुरातील खळबळजनक घटना
यापूर्वीही एक व्हिडीओ शेअर
या व्हिडीओत राष्ट्रवादीच्या अजित पवार गटातील आणि शरद पवार गटातील कार्यकर्त्यांमध्ये बाचाबाची झाल्याचं दिसत आहे. घटनास्थळी पोलीसही उपस्थित होते. जवळच उभ्या असलेल्या कारमध्ये ठेवलेले पैसेदेखील व्हिडीओत दिसत आहेत. हा व्हिडीओ शेअर करत रोहित पवार यांनी म्हटलं आहे की, बारामती मतदारसंघात चक्क पोलीस ‘बंदोबस्तात’ पडतोय पैशांचा पाऊस… दरम्यान, आमदार रोहित पवार यांच्या टीकेनंतर अजित पवार यांच्या गटाकडून अद्याप कोणतीही प्रतिक्रिया आलेली नाही.