TRENDING:
जर्मनीत होणाऱ्या या सोहळ्यामुळे वारकरी परंपरेचा गजर सातासमुद्रापार ऐकू येणार आहे. तसेच, परदेशात राहणाऱ्या मराठी बांधवांसाठी हा अभिमानाचा क्षण ठरणार आहे. याबाबत आळंदी देवस्थानचे प्रमुख विश्वस्त डॉ. भावार्थ देखणे यांनी माहिती लोकल18 सोबत बोलताना दिली आहे.
अर्जुनाचा तो बाण अन् बाणेरचा उगम! पुण्यातील पांडवकालीन बाणेश्वर मंदिराचा रंजक इतिहास
डॉ. भावार्थ देखणे यांनी सांगितले की, 19 एप्रिलला अक्षय तृतीयेच्या शुभ मुहूर्तावर जर्मनीतील विठ्ठलधाम मंदिरात संत ज्ञानेश्वर महाराज आणि संत तुकाराम महाराज यांच्या मूर्तींची प्राणप्रतिष्ठा करण्यात येणार आहे. या सोहळ्याची तयारी सध्या अंतिम टप्प्यात असून भाविकांमध्ये उत्साहाचे वातावरण आहे.
advertisement
संत ज्ञानेश्वर महाराजांच्या 750 व्या जयंती वर्षानिमित्त आणि संत तुकाराम महाराजांच्या 450 व्या वैकुंठगमन सोहळा यांचे औचित्य साधून हा उपक्रम हाती घेण्यात आला आहे. संतांच्या विचारांचा, त्यांच्या साहित्याचा जागतिक स्तरावर प्रसार व्हावा, हा या उपक्रमामागील मुख्य उद्देश असल्याचं त्यांनी सांगितलं.
सातासमुद्रापार दुमदुमणार ज्ञानोबा-तुकाराम गजर
आळंदी देवस्थान संस्थान कमिटीच्या वतीने संत ज्ञानेश्वर महाराजांची सुमारे 2 फूट उंचीची मूर्ती मकराना येथील पांढऱ्या संगमरवरी दगडातून साकारण्यात आली आहे. ही मूर्ती जैन श्वेतांबर मूर्तिकला केंद्र येथे तयार करण्यात आली. 10 फेब्रुवारीला ही मूर्ती राजस्थानहून जर्मनीकडे पाठविण्यात आली आहे. देहू देवस्थान संस्थान यांच्या वतीने संत तुकाराम महाराजांची अडीच फूट उंचीची मूर्ती तयार करण्यात आली आहे. 13 फेब्रुवारी रोजी विजया एकादशीच्या दिवशी देहू येथील मुख्य मंदिरात विधीपूर्वक पूजा करून ही मूर्ती जर्मनीकडे रवाना करण्यात आली आहे.
दरम्यान, जर्मनीतील ख्रिसचेम येथील श्री विठ्ठलधाम मंदिराला लाखो नागरिक भेट देत असतात. त्यामुळे याठिकाणी संत ज्ञानेश्वर महाराज आणि संत तुकाराम महाराज यांच्या मूर्तीची स्थापना झाल्यानंतर परदेशी नागरिकांनाही महाराष्ट्राच्या संतपरंपरेची माहिती मिळण्यास मदत होणार आहे.