पतीला आधी दारू पाजली; मग प्रियकरासोबत मिळून पुण्यातील पत्नीचं धक्कादायक कृत्य, व्हिडिओही बनवला

नेमकी घटना काय?

अमोल संग्राम ढवळे (वय २८, रा. केळवडे, ता. भोर) असे मारहाणीत जखमी झालेल्या पतीचे नाव आहे. अमोल यांनी दिलेल्या फिर्यादीनुसार, शनिवारी (२८ मार्च) दुपारी अडीचच्या सुमारास त्यांच्या पत्नीने त्यांना भोसरीतील घरी बोलावून घेतले होते. तिथे पत्नी आणि तिचा प्रियकर अजय नात्रे (वय ३०, रा. सद्गुरुनगर, भोसरी) यांनी मिळून अमोलला दारू पाजली. त्यानंतर किरकोळ वादाचे निमित्त करून दोघांनी अमोलला मारहाण करण्यास सुरुवात केली.

advertisement

प्रियकर अजय नात्रे हा अमोलला पाईपने बेदम मारत असताना, आरोपी पत्नीने पतीचा ओरडतानाचा व्हिडिओ आपल्या मोबाईलमध्ये चित्रित केला. या क्रूर मारहाणीत अमोलच्या मान, पाठीवर आणि हातावर गंभीर जखमा झाल्या आहेत. या घटनेनंतर जखमी अमोल यांनी मंगळवारी (३१ मार्च) भोसरी पोलीस ठाण्यात धाव घेऊन तक्रार नोंदवली.

भोसरी पोलिसांनी या घटनेची गंभीर दखल घेत दोन्ही आरोपींविरुद्ध गुन्हा दाखल केला असून, या प्रकरणाचा अधिक तपास सुरू आहे. प्रियकराच्या मदतीने पत्नीनेच आपल्या पतीसोबत हे धक्कादायक कृत्य केल्याने परिसरात खळबळ उडाली आहे.