वास्तुशास्त्रानुसार प्रत्येक वस्तू ठेवण्यासाठी एक विशिष्ट जागा असते, ज्यामुळे घरात सकारात्मक ऊर्जा येते आणि घरात चांगलं वातावरण राहतं. अनेकदा लोक आपले चप्पल-बूट कुठेही काढतात, त्यामुळे घरात अशांतता पसरते आणि मानसिक ताण वाढतो. वास्तुशास्त्रानुसार, घरात काही अशा जागा आहेत जिथे चप्पल-बूट काढू नयेत. देवघर येथील प्रसिद्ध ज्योतिषी काय सांगतात ते जाणून घेऊया...
advertisement
लोकल18 च्या रिपोर्टरशी बोलताना, देवघर येथील पागल बाबा आश्रममध्ये असलेल्या मुद्गल ज्योतिष केंद्राचे प्रसिद्ध ज्योतिषी पंडित नंदकिशोर मुद्गल यांनी सांगितलं की, आपल्या जीवनात वास्तुशास्त्राचं खूप महत्त्व आहे. घरात काही जागा अशा आहेत जिथे चप्पल-बूट अजिबात काढू नयेत. याचा जीवनावर आणि घरावर नकारात्मक परिणाम होतो. त्यामुळे आर्थिक संकट, घरात कलह आणि मानसिक अशांतता वाढते.
या ठिकाणी चप्पल-बूट ठेवू नका
ज्योतिषी सांगतात की, लोक घरात येताना मुख्य दारासमोर चप्पल काढतात. मुख्य दारातूनच देवी-देवता आणि सकारात्मक ऊर्जा घरात येते. त्यामुळे मुख्य दारासमोर चप्पल काढणं टाळावं. याचा घरावर वाईट परिणाम होतो.
बेडरूममध्ये ठेवू नये : अनेक जण आपले चप्पल-बूट बेडरूममध्ये उघडे ठेवतात. यामुळे बाहेरून येणारी नकारात्मक ऊर्जा त्यांच्या बेडरूममध्ये येते. यामुळे कुटुंबात कलह वाढू शकतो आणि पती-पत्नीमध्ये वाद निर्माण होऊ शकतात.
तुळशीच्या झाडाखाली ठेवू नका : काही लोक तुळशीच्या रोपाखाली आपले चप्पल-बूट ठेवतात. यामुळे देवी-देवता नाराज होऊ शकतात आणि घरात आर्थिक समस्या वाढू शकतात, तसेच मानसिक अशांतताही वाढू शकते. घरात नकारात्मक ऊर्जेचा प्रवाह वाढू शकतो.
स्वयंपाकघरात चप्पल वापरू नका : वास्तुशास्त्रानुसार, घरात स्वयंपाकघरात चप्पल-बूट घालून कधीही प्रवेश करू नये. हे अशुभ मानलं जातं. यामुळे घरात गरिबी येऊ शकते.
चप्पल या दिशेने ठेवा : वास्तुशास्त्रानुसार, चप्पल-बूट नेहमी दक्षिण किंवा पश्चिम दिशेला बनवलेल्या बॉक्समध्ये ठेवावेत. तरच ते शुभ मानलं जातं.
हे ही वाचा : Health Tips: शरीरात आयर्नची कमतरता? हा राइस आवश्य खा, होईल फायदाच फायदा
हे ही वाचा : पतीच्या निधनानंतर 3 मुलांची जबाबदारी, सुरू केला पुरणपोळी व्यवसाय, आता बक्कळ कमाई