'मूर्तीसाठी वापरण्यात आलेल्या पाषाणामुळे दुधाच्या गुणधर्मात कोणताही बदल होत नाही. त्यामुळेच या पाषाणाची निवड करण्यात आली आहे. तसंच हा पाषाण कोणत्याही प्रकारचं अ‍ॅसिड, आग किंवा पाण्यावर रिअ‍ॅक्शन देत नाही. ही मूर्ती पुढील हजारो वर्षांहून अधिक काळ टिकेल. भव्य राम मंदिराच्या गर्भगृहात स्थापन करण्यासाठी रामलल्लाची मूर्ती बनवताना अरुण योगीराज यांनी ऋषींची जीवनशैली स्वीकारली होती,' असंही विजेता यांनी सांगितलं.
advertisement
रजिस्ट्रेशन शिवाय मिळणार नाही रामलल्लाचं दर्शन, अशी आहे प्रक्रिया आणि नियम
मूर्ती घडवताना ऋषींसारखा होता दिनक्रम
विजेता यांनी माहिती दिली की, 'रामलल्लाची मूर्ती तयार करताना संपूर्ण कालावधीत अरुण यांनी 'सात्विक अन्न', फळं आणि अंकुरलेलं धान्य असा आहार घेतला. ते जवळपास सहा महिने एखाद्या ऋषीसारखे जीवन जगले.' अरुण यांनी बनवलेल्या रामलल्लाच्या मूर्तीची अयोध्येतील राम मंदिराच्या गर्भगृहात स्थापनेसाठी निवड झाल्याबद्दल आनंद व्यक्त करताना विजेता म्हणाल्या, 'आम्ही याचा कधी विचारही केला नव्हता. पण अरुण यांच्याकडे खूप प्रतिभा आहे. या निमित्तानं त्यांच्या कलेची जगभरात ओळख आणि कौतुक होत आहे.'
25 जानेवारीला 5 अद्भुत योग! देवी लक्ष्मीच्या सदैव कृपेसाठी या गोष्टी आणाव्या घरी
अरुण पाचव्या पिढीतील मूर्तीकार
'आमच्या घराण्यातील अरुण हे पाचव्या पिढीतील मूर्तीकार आहेत,' असंही विजेता यांनी सांगितलं. त्या पुढे म्हणाल्या,'अरुण यांनी वयाच्या 11 व्या वर्षी मूर्तीचं काम सुरू केलं, आणि तेव्हापासून ते आमच्या कुटुंबाच्या समृद्ध परंपरेचे प्रतीक बनलेत. देशभरातील लोकांकडून प्रचंड प्रेम आणि आशीर्वाद मिळत असून, त्याबद्दल मी कृतज्ञता व्यक्त करते. तसेच प्राणप्रतिष्ठा सोहळ्यानंतर आम्ही कुटुंबासह अयोध्येला जाणार आहोत,' असंही विजेता यांनी स्पष्ट केलं.
दरम्यान, 500 वर्षानंतर रामलल्ला अयोध्येतील मंदिरात विराजमान होणार आहेत. 22 जानेवारीला हा सोहळा होणार असून देशभरातील वातावरण राममय झाले आहे.