पहाटे 3 ते 4 दरम्यान अचानक येते जाग, निव्वळ योगायोग की कसले संकेत? झोपमोड होण्यामागे लपलंय रहस्य!

आध्यात्मिक संकेत: 'ब्रह्ममुहूर्त' आणि दैवी शक्ती

पहाटे 3:20 ते 4:00 या वेळेला 'ब्रह्ममुहूर्त' सुरू होण्याचा काळ मानला जातो. शास्त्रानुसार, ही वेळ देव आणि दैवी शक्तींच्या संचाराची असते. असे मानले जाते की, जेव्हा एखादी दैवी शक्ती किंवा तुमचे कुलदैवत तुम्हाला आशीर्वाद देऊ इच्छिते किंवा तुम्हाला काहीतरी सुचवू इच्छिते, तेव्हा तुमची झोप या काळात उडते. ज्या व्यक्तींनी पूर्वजन्मी किंवा या जन्मी आध्यात्मिक साधना केली आहे, त्यांना या काळात जाग येते. ही वेळ विश्वातील सकारात्मक ऊर्जेचा लाभ घेण्याची असते.

advertisement

सुप्त मनाचे संकेत आणि अंतर्ज्ञान

जर तुमची झोप 3 ते 4 च्या दरम्यान उडत असेल, तर याचा अर्थ तुमचे 'अंतर्मन' अधिक सक्रिय झाले आहे. या काळात जाग येणे हे सूचित करते की, तुमचे अंतर्ज्ञान तुम्हाला भविष्यातील एखाद्या घटनेबद्दल सावध करत आहे किंवा तुम्हाला एखादा नवीन मार्ग दाखवण्याचा प्रयत्न करत आहे.

चिनी वैद्यकशास्त्र काय सांगते?

चिनी प्राचीन वैद्यकशास्त्रानुसार, शरीराच्या प्रत्येक अवयवाचा एक विशिष्ट सक्रिय काळ असतो. पहाटे 3 ते 5 ही वेळ फुफ्फुसांशी संबंधित असते. जर तुम्हाला या काळात वारंवार जाग येत असेल, तर याचा अर्थ तुम्ही मानसिकरीत्या दुःखी आहात किंवा एखाद्या गोष्टीबद्दल तुम्हाला खूप चिंता वाटत आहे. फुफ्फुसे हे 'दुःख' या भावनेशी जोडलेले असतात.

ग्रहांचा आणि निसर्गाचा प्रभाव

पहाटेच्या वेळी वातावरणात 'सत्त्व' गुण सर्वाधिक असतो. यावेळी कोलाहल नसतो आणि पृथ्वीवर एक प्रकारची स्थिरता असते. या वेळेत वैश्विक ऊर्जा पृथ्वीच्या सर्वात जवळ असते. जर तुमचे शरीर आणि मन संवेदनशील असेल, तर ही ऊर्जा तुमच्या मज्जासंस्थेला स्पर्श करते, ज्यामुळे तुमची गाढ झोप मोडते. अनेक लोक याला 'असुरी वेळ' म्हणतात, पण प्रत्यक्षात ही वेळ अंधाराकडून प्रकाशाकडे जाण्याची आहे. या काळात जाग येणे म्हणजे निसर्ग तुम्हाला जुन्या गोष्टी सोडून नवीन सुरुवात करायला सांगत आहे.

टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)