प्रत्येक व्यक्तीच्या हातावरच्या रेषा वेगवेगळ्या असतात. त्यात काही आकृत्या आणि चिन्हंही असतात. हातावरच्या रेषा, चिन्हं, आकृत्या यांच्या साह्याने त्या व्यक्तीच्या भविष्याचा अंदाज वर्तवता येतो. त्यापैकी काही रेषा, चिन्हं आणि आकृत्या शुभ असतात. त्या कोणत्या याविषयी जाणून घेऊ.
हस्तशास्त्रात काही रेषांना शुभ आणि महत्त्वाचं स्थान देण्यात आलं आहे. हृदयरेषा (Heart Line), जीवनरेषा (Life Line), लग्नरेषा (Marriage Line) आणि भाग्यरेषा (Fate Line) अशा त्या चार रेषा आहेत. या रेषा कोणत्या पद्धतीनं हातावर आहेत, त्यावरून त्यांचं फळ शुभ असेल की अशुभ हे लक्षात येतं. या चारही रेषा सगळ्यांच्याच हातावर असतात असं नाही. त्यातही या रेषा शुभ स्थितीत असतील, असे हात खूप कमी जणांचे असतात. भाग्यरेषा कमी व्यक्तींच्या हातावर असते. ज्यांच्या हातावर ही रेषा शुभ स्थितीत असते, त्यांना खूप सुख-समृद्धी लाभते.
advertisement
ऑफिस, कामाच्या ठिकाणी टेबलावर असाव्या या गोष्टी; नोकरी-धंद्यात मिळतं मोठं यश
हाताच्या खालच्या भागातून निघून मधल्या बोटाच्या खालच्या बाजूला असलेल्या शनिपर्वतापर्यंत जी रेष जाते, ती भाग्यरेषा असते. चंद्र क्षेत्रापासून निघून शनिपर्वतापर्यंत भाग्यरेष गेली असेल, तर त्या व्यक्तीला प्रत्येक कामात यश मिळतं. अशा व्यक्ती आपल्या क्षेत्रात खूप नावलौकिक कमावतात, तसंच इतरांनाही सन्मान देतात. त्यामुळे या व्यक्ती लोकप्रिय ठरतात. ज्यांच्या हातावर भाग्यरेषा जीवनरेषेपासून सुरू होत असेल आणि शनिपर्वतापर्यंत पोहोचत असेल, अशा व्यक्तींना कधीही पैशांची चणचण भासत नाही. त्यांच्याकडे भरपूर संपत्ती असते.
मणिबंधापासून सुरू होऊन ही रेष सरळ शनिपर्वतापर्यंत जात असेल किंवा मधल्या बोटाच्या मुळापर्यंत जात असेल, तर अशी रेष खूपच शुभ मानली जाते. ही रेष गडद असून मध्ये कुठे तुटली नसेल, तर अशा व्यक्तीला आयुष्यात खूप संपत्ती, मान-सन्मान, मोठं पद असं सर्व काही मिळतं. कोणत्याही क्षेत्रात गेल्या, तरी अशा व्यक्ती स्वतःचं वेगळं स्थान निर्माण करतात. हातावरच्या रेषा भविष्याचे अंदाज बांधायला मदत करत असतात. त्या दिशेनं मेहनत करणं हे प्रत्येकाच्या हातात असतं.
आठवडा मौजमजेचा! त्रिग्रही योगामुळे या राशींना मिळणार खुशखबर, साप्ताहिक राशीफळ
(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)