अयोध्येत श्रीरामाची मूर्ती बनवणारे मूर्तिकार कोण आहेत? शिल्पकाराचं आहे 'केदारनाथ कनेक्शन'

अरुण योगीराज शिल्पी म्हणाले, 'प्रभावळीसह संपूर्ण मूर्ती आठ फुटांपेक्षा जास्त उंच आणि साडेतीन फूट रुंद आहे. धनुष्यबाण घेतलेल्या पाच वर्षांच्या मुलाच्या रूपात ही श्रीरामाची मूर्ती आहे. तीन मूर्तींपैकी एक मूर्ती अयोध्येतल्या राम मंदिरात अंतिम स्थापनेसाठी निवडली जाईल.' अरुण यांनी केलेली ही मूर्ती राम मंदिरात बसवण्यासाठी निवडली गेली, तर पंतप्रधान नरेंद्र मोदी यांच्या हस्ते उद्घाटन होणारी अरुण यांची ही तिसरी मूर्ती असेल. तत्पूर्वी, पंतप्रधान मोदींनी केदारनाथमध्ये स्थापित श्री आदि शंकराचार्यांच्या मूर्तीचं आणि दिल्लीतल्या कर्तव्यपथावर स्थापन करण्यात आलेल्या सुभाषचंद्र बोस यांच्या पुतळ्याचं उद्घाटन केलं होतं.

advertisement

पूजा करताना या 3 गोष्टी घडल्या तर शुभ-लाभ; केलेली उपासना सफल झाल्याचे ते संकेत

22 जानेवारी 2024 रोजी अयोध्या राम मंदिराच्या उद्घाटनासाठी आमंत्रित करण्यात आलेल्या 2,000 मान्यवरांपैकी अरुण योगीराज शिल्पी हे एक आहेत. डॉ. बाबासाहेब आंबेडकर यांचा पुतळा बनवण्याचा आदेश न्याय विभागाकडून मिळाल्याचेही अरुण यांनी सांगितलं. डॉ. बाबासाहेब आंबेडकर यांचा हा पुतळा दिल्लीतल्या जैसलमेर हाउसमध्ये बसवण्यात येणार आहे. त्यांनी त्यावर काम सुरू केलं असून, फेब्रुवारीअखेर काम पूर्ण होईल अशी माहिती त्यांनी दिली.

वृश्चिक राशीला नववर्षात धनलाभ! नशीब चमकण्याचे योग, कसं असेल वार्षिक राशीभविष्य

अरुण योगीराज शिल्पी यांनी सांगितलं, की डॉ. बाबासाहेब आंबेडकर यांच्या पुतळ्याचं उद्घाटन 14 एप्रिल रोजी डॉ. आंबेडकर यांच्या 133व्या जयंतीनिमित्त केंद्रीय गृह मंत्री अमित शहा यांच्या हस्ते केलं जाईल, अशी शक्यता आहे. पाचव्या पिढीचे मूर्तिकार 40 वर्षीय अरुण यांनी एमबीए केलं आहे. त्यांनी 2008मध्ये मूर्ती बनवण्याची कौटुंबिक परंपरा कायम ठेवण्यासाठी आपली कॉर्पोरेट नोकरी सोडली होती. आतापर्यंत त्यांनी 1,000 हून अधिक मूर्ती बनवल्या आहेत. मूर्तिकलेचा वंशपरंपरागत वारसा त्यांनी जपला आहे.