TRENDING:
डावखुरा फास्ट बॉलर झहीर खान पाच दिवसांच्या शिबिरासाठी बंगळुरूमध्ये पोहोचला आहे, ज्यामध्ये सीनियर टीममध्ये स्थान मिळवण्याच्या जवळ असलेल्या किंवा त्यासाठी आधीच काही सामने खेळलेल्या तरुण फास्ट बॉलर्सचा समावेश आहे. भारतीय क्रिकेटच्या पुढच्या पिढीला तयार करण्यात मदत करण्यासाठी सीओईचे प्रमुख व्हीव्हीएस लक्ष्मण यांनी त्यांच्या माजी टीममधील खेळाडूंशी चार ते पाच दिवसांच्या विशेष शिबिरांसाठी संपर्क साधल्याची माहिती समोर आली आहे.
advertisement
या घडामोडींशी परिचित असलेल्या बीसीसीआयच्या एका सूत्राने नाव न छापण्याच्या अटीवर पीटीआयला सांगितले की, "लक्ष्मणने झहीर खान, हरभजन सिंग आणि अनिल कुंबळे यांच्याशी विशेष शिबिरांसाठी संपर्क साधला आहे. हरभजन ऑफ-स्पिनर्ससाठी चार किंवा पाच दिवसांच्या शिबिरासाठी त्याचे वेळापत्रक तयार करत आहे. एज ग्रुप आणि इंडिया ए स्तरावर चांगली कामगिरी करणाऱ्या उदयोन्मुख खेळाडूंना मदत करण्यास तो उत्सुक आहे."
टेस्ट आणि वनडे क्रिकेटमध्ये भारताचा आघाडीचा विकेट घेणारा अनिल कुंबळे यांना लेग स्पिनर्ससाठी शिबिर आयोजित करण्याची विनंती करण्यात आल्याचं सांगण्यात येत आहे. आयपीएल सुरू होण्यापूर्वी विशेष शिबिरे आयोजित केली जातील, कारण यापैकी अनेक खेळाडूंना त्यांच्या आयपीएल टीममध्ये सामील व्हावे लागणार आहे.