TRENDING:
20 मिनिटांमध्ये 20 रन
कॅनरा बँकेविरुद्धच्या सामन्यात डीवाय पाटील ब्लूने पहिले बॅटिंग केली. पण, त्यांची कामगिरी इतकी खराब होती की त्यांना 20 ओव्हर खेळणे देखील कठीण झाले. डीवाय पाटील ब्लू टीम फक्त 17.2 ओव्हरमध्ये 136 रनवर ऑलआउट झाली. डीवाय पाटील ब्लू कडून वैभव सूर्यवंशीने डावाची सुरुवात केली. पण, त्याच्या 20 मिनिटांच्या खेळीत, वैभव 20 पेक्षा जास्त धावा करू शकला नाही. त्याने 14 बॉलचा सामना केला आणि 4 फोरच्या मदतीने 146 च्या स्ट्राईक रेटने या रन केल्या.
advertisement
वैभव आणि अर्जुन एकत्र हिट आणि फ्लॉप
अर्जुन तेंडुलकर देखील बॅटने अपयशी ठरला. तो 8 बॉलमध्ये फक्त 5 रन करू शकला. डीवाय पाटील टी-20 स्पर्धेच्या भारतीय नौदलाविरुद्धच्या पहिल्या सामन्यात, वैभव सूर्यवंशी आणि अर्जुन तेंडुलकर दोघांनीही अर्धशतके झळकावली होती. त्यांनी मिळून टीमसाठी 48 बॉलमध्ये 118 रन केल्या होत्या. पण, कॅनरा बँकेविरुद्ध, दोघेही बॅटने अपयशी ठरले.
अर्जुनने एका ओव्हरमध्ये लुटल्या रन
कॅनरा बँकेविरुद्ध अर्जुन तेंडुलकरची बॉलिंगची कामगिरी त्याच्या बॅटिंगपेक्षाही वाईट होती. तो त्याच्या चार ओव्हरपैकी फक्त एकच ओव्हर बॉलिंग करू शकला. कारण त्या एका ओव्हरमध्ये त्याची खूप धुलाई झाली. अर्जुन तेंडुलकरने एकाच ओव्हरमध्ये 19 रन दिल्या.
टीमचा पराभव
डीवाय पाटील ब्लूने दिलेल्या 137 रनच्या लक्ष्याचा पाठलाग करताना कॅनरा बँकेने 12 व्या ओव्हरमध्ये विजय मिळवला. त्यांनी 11.2 ओव्हरमध्ये 3 विकेट गमावून 139 रन केल्या. डीवाय पाटील ब्लू टीमचा दोन सामन्यांमधील हा पहिलाच पराभव आहे.