TRENDING:
उलट उत्तर देऊ नका
मैदानावर कोणताही आक्रमक पवित्रा न घेता सूर्याने टीम इंडियाला विजय मिळवून दिला. पाकिस्तानचे बॅटर्स जेव्हा मैदानात आले, तेव्हा टीम हडलमध्ये सूर्याने आपल्या सहकाऱ्यांना खास सूचना दिली होती. त्याने सर्वांना स्पष्टपणे सांगितले की, प्रतिस्पर्धी खेळाडूंना उलट उत्तर देऊ नका किंवा कोणाशीही वाद घालू नका. सूर्याने काय म्हटलं होतं? याचा व्हिडीओ बीसीसीआयने शेअर केला आहे.
advertisement
कोणालाही काहीही बोलू नका
"ओव्हरच्या दरम्यान धावत राहा आणि कोणालाही काहीही बोलू नका (Kisi se kuch bolna nahi). आपल्याला फक्त चांगलं क्रिकेट खेळायचं आहे. आपल्या कौशल्याच्या जोरावरच आपण ही मॅच जिंकणार आहोत," असे शब्द सूर्याने आपल्या टीमला प्रोत्साहित करताना वापरले. त्याच्या या शांत डोक्याने घेतलेल्या निर्णयामुळे भारतीय बॉलर्सनी दबावाखाली न येता टिच्चून बॉलिंग केली अन् पाकिस्तानला गुडघ्यावर आणलं.
सूर्यकुमार यादवच्या कॅप्टन्सीचे कौतुक
दरम्यान, भारताचे दिग्गज क्रिकेटपटू सुनील गावस्कर यांनीही सूर्यकुमार यादवच्या या कॅप्टन्सीचे भरभरून कौतुक केले आहे. मॅचमधील परिस्थितीनुसार खेळ बदलण्याची कला सूर्याला अवगत असल्याचे त्यांनी नमूद केले. अमेरिकेविरुद्ध 77/6 अशी अवस्था असताना त्याने टीमला सावरले होते आणि आता पाकिस्तानविरुद्धही त्याने 32 रन्सची संयमी खेळी करत 19 ओव्हरपर्यंत खिंड लढवली.