Womens Team india Meet PM Narendra Modi : वुमेन्स वर्ल्ड कप जिंकणाऱ्या महिला संघाने बुधवारी दिल्लीत जाऊन पंतप्रधान नरेंद्र मोदी यांची भेट घेतली.या भेटी दरम्यान खेळाडूंनी पंतप्रधान नरेंद्र मोदी यांच्याशी मनमोकळ्या गप्पा मारल्या.या गप्पांनंतर खेळाडूंनी पंतप्रधान यांच्यासोबत नाश्ता केला. नाश्त्यादरम्यान पंतप्रधान मोदी यांनी सर्व खेळाडूंना लाडू दिला. सर्व खेळाडू नाश्ता करत असताना ती मात्र व्हिलचेअरवर बसूनच होती.पंतप्रधान मोदी यांना ही गोष्टी लक्षात येताच त्यांनी झटपट तिच्यासाठी नाश्ता आणला. या संदर्भातला व्हिडिओ देखील समोर आला आहे.
advertisement
पहिल्यांदा पंतप्रधान नरेंद्र मोदी यांनी महिला खेळाडूंना खास लाडू दिले. यावेळी पतंप्रधान मोदी यांनी सर्वांची नाव घेऊन त्यांना लाडू घेण्यास आग्रह केला. यावेळी अनेक खेळाडूंनी लाडू घेतले. ज्यावेळेस स्मृती मानधना लाडू घ्यायला गेली त्यावेळेस तिने मी पहिल्यांदाच खात असल्याचे सांगितले.यावर पंतप्रधान मोदी यांनी, तुमच्यासाठी भेल आणली आहे. असे म्हणताच स्मृती म्हणाली मला खूप आवडतं. आणि डीएसपीसाठी (दीप्ती शर्मा) पनीर आहे.यानंतर शेवटी कर्णधार हरमनप्रीत कौरने लाडू घेतला. या दरम्यान पंतप्रधान खेळाडूंना हे देखील म्हणतात की आता तुम्हाला खाण्यापासून रोखणार नाही ना.
दरम्यान सर्व खेळाडू खात असताना प्रतिका रावल व्हिलचेअरवर बसलेली होती. पंतप्रधान मोदी यांनी तिलाच काही न खाताना पाहताच ते तिच्याजवळ गेले. यावेळी पंतप्रधान मोदी तिला विचारतात, तुला काय आवडतं? असे म्हणताच ते थेट समोरील टेबलवरील स्नॅक्स तिला खायला देतात. तुला आवडतं की नाही? असे म्हणताच एकच हशा पिकतो. यावेळी प्रतिका रावल स्नॅक्स घेऊन खायला सुरूवात करते.
दरम्यान खेळाडूंच्या नाश्त्याआधी पंतप्रधान नरेंद्र मोदी चर्चेदरम्यान दीप्ती शर्माच्या हातावरील हनुमानाचा टॅटू आणि इस्टाग्रामवरील जय श्री रामचाही उल्लेख करतात. त्यामुळे खेळाडूंना प्रश्न पडतो पंतप्रधान नरेंद्र मोदी यांना या गोष्टी लक्षात राहतात कशा? शेवटी राहून राहुन स्मृती मानधनाच त्यांना विचारते, तुम्हाला या सर्व गोष्टींची आठवण कशी राहते? यावर पंतप्रधान मोदी सांगतात मी वर्तमानमध्ये जगतो.या उत्तरानंतर सगळ्यांच्या चेहऱ्यावर हास्य उमलते.या संदर्भातला व्हिडिओ देखील व्हायरल झाला आहे.