TRENDING:
रोहित शर्माचा वानखेडेच्या मैदानावरचा एक व्हिडिओ व्हायरल झाला आहे. या व्हिडिओमध्ये रोहित शर्मा मैदानावर पाऊल ठेवतो. मैदानावर पाऊल ठेवताच रोहित शर्माला पाहून मुंबई इंडियन्सचा एक खेळाडू त्याला पाहून हात जोडतो, नंतर पुढे तो पाया पडण्याचा प्रयत्न करतो.इतक्यात रोहित शर्माच त्याच्या खांद्यावर हात टाकतो आणि चालू लागतो.
आता या घटनेत एक ज्यूनिअर खेळाडू रोहित शर्माला इतका आदर देतो ते पाहून त्याची लांबूनच चर्चा केली असती. पण मुंबईच्या राजा रोहित शर्मा जरा वेगळा आहे,कारण त्याने थेट खेळाडूच्या खांदयावरच हात ठेवला आहे आणि त्याला समजवत समजवत तो निघून गेला आहे.त्यामुळे रोहित शर्माचा हाच दिलदारपणा सगळ्यांना आवडला आहे.
advertisement
दरम्यान हा खेळाडू दुसरा तिसरा कुणी नसून आकाश मढवाल आहे. आकाश मढवाल हा आयपीएल 2026 च्या लिलावत अनसोल्ड राहिला होता.पण आता मुंबईचा अथर्व अंकोलेकर हा दुखापतग्रस झाल्याने तो संपूर्ण हंगाम स्पर्धेबाहेर झाला आहे,त्यामुळे त्याची रिप्लेसमेंट म्हणून मुंबई इंडियन्सने आकाश मढवालला ताफ्यात घेतले होते,असे बोलले जात होते. पण आता तो नेट बॉलर म्हणून संघात आला आहे.
आकाश मढवाल हा वेगवान गोलंदाज आहे. तोस मुख्यतः डेथ ओव्हर्समध्ये यॉर्कर्स आणि स्किडी बॉलिंगसाठी ओळखले जातात. आकाश मढवालचा IPL मध्ये डेब्यू 2023 मध्ये झाला होता. त्याने आयपीएलमध्ये आतापर्यत एकूण 17 सामने खेळले आहेत, ज्यात त्याने 23 विकेटस घेतल्या आहेत. आकाशला आयपीएलमध्ये फारशी खेळायची संधी मिळाली नाही. पण आता नेट बॉलर म्हणून मुंबईसाठी महत्वाची भूमिका निभावणार आहे.