IPL Complete Schedule: IPLचे संपूर्ण वेळापत्रक, तुमच्या शहरात कधी होणार मॅच? दुसऱ्या टप्प्यात 50 हाय-व्होल्टेज सामने

हैदराबाद विरुद्ध राजस्थान सामन्याने सुरुवात

दुसऱ्या टप्प्याची सुरुवात सनरायझर्स हैदराबाद आणि रियान परागच्या नेतृत्वाखालील राजस्थान रॉयल्स यांच्यातील लढतीने होणार आहे. हा सामना हैदराबादमधील राजीव गांधी आंतरराष्ट्रीय स्टेडियमवर खेळवला जाईल.

12 शहरे होणार मॅच

बीसीसीआयने जाहीर केलेल्या यादीनुसार, दुसऱ्या टप्प्यातील सामने खालील शहरांमध्ये होणार आहेत. बेंगळुरू, मुंबई, चेन्नई, कोलकाता, दिल्ली, अहमदाबाद, हैदराबाद, लखनऊ, जयपूर, धरमशाला, रायपूर आणि न्यू चंदीगड.

advertisement

काही महत्त्वाचे बदल 

'डबल हेडर'ची मेजवानी: या टप्प्यात एकूण 8 'डबल हेडर्स' (एकाच दिवशी दोन सामने) होणार आहेत. दुपारचे सामने भारतीय वेळेनुसार 3.30 वाजता, तर सायंकाळचे सामने 7.30 वाजता सुरू होतील.

आरसीबीचे सामने: गतविजेता रॉयल चॅलेंजर्स बेंगळुरू संघ आपले 5 घरचे सामने खेळणार असून त्यातील 3 सामने बेंगळुरूमध्ये, तर 2 सामने रायपूरमध्ये होतील.

पंजाब आणि राजस्थानचे 'होम ग्राऊंड': 2025 चा उपविजेता पंजाब किंग्स आपले 4 घरचे सामने न्यू चंदीगडमध्ये आणि 3 सामने धरमशाला येथे खेळणार आहे. दुसरीकडे, राजस्थान रॉयल्स आपले पहिले 3 सामने गुवाहाटीत खेळल्यानंतर, पुढील 4 घरचे सामने जयपूरमध्ये खेळणार आहे.

प्ले-ऑफचे ठिकाण अद्याप गुलदस्त्यात

लीग स्टेजच्या 50 सामन्यांचे वेळापत्रक समोर आले असले तरी, बीसीसीआयने प्ले-ऑफ आणि फायनल सामन्यांच्या ठिकाणांची घोषणा तूर्तास केलेली नाही. त्याची माहिती योग्य वेळी दिली जाईल, असे बोर्डाने स्पष्ट केले आहे.

IPL 2026 चे संपूर्ण वेळापत्रक (Full schedule of IPL 2026)