TRENDING:
संजीव गोयंका यांची ऋषभ पंतसोबत चर्चा
आयपीएल 2026 च्या सलामीच्या सामन्यात दिल्ली कॅपिटल्सकडून संघाचा पराभव झाल्यानंतर, संजीव गोयंका हे कर्णधार ऋषभ पंत आणि संघाच्या सपोर्ट स्टाफशी मैदानावरच चर्चा करताना दिसून आले. या घटनेची तुलना गोयंकांच्या के.एल. राहुलसोबतच्या पूर्वीच्या वर्तनाशी करण्यास चाहत्यांनी जराही विलंब लावला नाही.
लखनऊने थेट उत्तर दिलं
IPL 2024 च्या हंगामात गोयंका यांनी केएल राहुलला झापलं होतं. गोयंकाने राहुलसोबत नको असं गैरवर्तन केलं होतं आणि याच प्रकरणामुळे पुढे जाऊन त्या भारतीय क्रिकेटपटूला या फ्रँचायझीपासून वेगळे व्हावं लागलं होतं. आता ऋषभ पंतच्या बाबतीतही तसाच प्रसंग घडताना पाहून, चाहते आणि क्रिकेट तज्ज्ञ या दोघांकडूनही तीव्र नाराजी व्यक्त केली होती. अशातच आता लखनऊने यावर थेट उत्तर दिलंय.
संभाषणाचा व्हिडीओ शेअर
तुम्ही जे काही पाहता, ते सर्वच काही खरे वास्तव नसतं. कॅमेरे बंद झाल्यावर सामन्यानंतरचे ते 'बिनधास्त' आणि खरं काय घडलं ते क्षण येथे आहेत, असं म्हणत लखनऊने ऋषभ पंत आणि गोयंका यांच्यातील संभाषणाचा व्हिडीओ शेअर केला आहे. यामध्ये दोघंही हसून एकमेकांसोबत बोलताना दिसत आहेत. अशातच आता नेटकऱ्यांनी याच व्हिडीओवरून लखनऊची शाळा घेतली आहे.
सर्व प्रकार संशयास्पद?
दरम्यान, संजीव गोयंका यांनी व्हिडीओ शेअर करून आपली पाप धुण्याचा प्रयत्न केला आहे. जिथं वाद झाला होता, तिथं गर्दी दिसत होती. पण या व्हिडीओमध्ये लोकांची गर्दी दिसत नाहीये, असं नेटकऱ्यांनी म्हटलं आहे. हा सर्व प्रकार संशयास्पद वाटत असल्याचे अनेक चाहत्यांचे मत आहे. या संपूर्ण प्रकरणाची तुलना आता चक्क 'दृश्यम 2' (Drishayam 2) या चित्रपटातील दृश्यांशी केली जात आहे. रिषभ पंतला पुन्हा बोलावून हा सीन 'रिक्रिएट' करण्यात आल्याचा दावा काही जण करत आहेत.