Maharashtra Kesari : गतविजेत्या पृथ्वीराज मोहोळला 34 सेकंदात आस्मान दाखवलं, सोलापूरच्या पठ्ठ्याने मैदान गाजवलं,VIDEO

खरं तर पुण्याचा पृथ्वीराज मोहोळ याने मागच्या वर्षी 2025 मध्ये सोलापूरच्या महेंद्र गायकवाडचा पराभव करत महाराष्ट्र केसरीचा किताब जिंकला होता. हा किताब जिंकल्यनंतर आता महाराष्ट्र केसरी 2026 स्पर्धेत ही तो किताब पटकवेल असे वाटत होते.पण त्याचा सेमी फायनलमध्ये पराभव झाला आहे. विशेष म्हणजे तो गादी विभागात म्हणजेच मॅटवर एक प्रमुख मल्ल म्हणून ओळखला जातो पण आज त्याचा पराभव झाला.

advertisement

सिकंदर शेखची फायनलमध्ये धडक, पैलवान सुदर्शन कोतकर चितपट, शेवटच्या सामन्यात कुणाशी भिडणार?

सेमी फायनलमध्ये पृथ्वीराज मोहोळ समोर सोलापूरच्या जय पाटीलच आव्हान होतं. सामन्याच्या सुरूवातीला दोन्ही पैलवानांनी आक्रामक सुरूवात केली होती. त्यामुळे अटीतटीची लढत होईल असे वाटत होते. पण जय पाटीलने एकच डाव टाकला आणि सामना जिंकला होता.या दरम्यान त्याला 4 गुण मिळाले होते. विशेष म्हणजे फक्त गत विजेत्या पृथ्वीराज मोहोळला जय पाटीलने अवघ्या 34 सेकंदात चितपट केलं होतं. त्यामुळे गत विजेता महाराष्ट्र केसरी पृथ्वीराज मोहोळ हा पराभूत झाल्याने महाराष्ट्र केसरीमध्ये धक्कादायक निकाल लागला होता. तसेच जय पाटीलने हा सामना जिंकून मॅट विभागात फायनल गाठली आहे.

VIDEO : सिकंदर शेखने आस्मान दाखवलं, गडचिरोलीच्या पैलवानाला 2 मिनिट 15 सेकंदात लोळवलं

फायनलमध्ये कोणाशी भिडणार?

दरम्यान मॅट विभागातील दुसऱ्या सेमी फायनल सामन्यात नाशिकच्या हर्षवर्धन सदगीरने कोल्हापूरच्या पृथ्वीराज पाटीलचा 6-2 ने पराभव केला होता. त्यामुळे हा सामना जिंकून हर्षवर्धन सदगीर फायनलला पोहोचला होता. आता फायनलला सोलापूरच्या जय पाटील आणि नाशिकच्या हर्षवर्धन सदगीर यांच्यात लढत होणार आहे.