TRENDING:
टीम इंडियाचा माजी स्टार खेळाडू आर. अश्विन हा मेजर लीग क्रिकेटध्ये खेळताना दिसणार आहे.कारण सॅन फ्रान्सिस्को युनिकॉर्न्स या संघासोबत तो करारबद्ध झाला आहे. अशी घोषणाच सॅन फ्रान्सिस्को युनिकॉर्न्सने केली आहे. त्यामुळे आता आर अश्विन अमेरिकन टी20 लीगमध्ये खेळताना दिसणार आहे. पण अशाप्रकारे दुसऱ्या टी20 लीगमध्ये खेळणारा तो एकमेव भारतीय खेळाडू ठरणार आहे.त्यामुळे त्याने हा वेगळा विक्रम केला आहे.
advertisement
“एमएलसीने गेल्या काही हंगामांमध्ये जागतिक दर्जाचे खेळाडू आणून आणि अमेरिकेतील देशांतर्गत क्रिकेट प्रतिभेला महत्त्वपूर्ण संधी देऊन एक उत्तम कार्यक्रम सादर करण्याची क्षमता सिद्ध केली आहे, आणि सॅन फ्रान्सिस्को युनिकॉर्न्ससोबत याचा भाग होण्याची संधी मी सोडू शकलो नाही, असे आर अश्विन म्हणाला आहे.
“मेजर लीग क्रिकेटमध्ये खेळणारा पहिला भारतीय खेळाडू म्हणून ही जबाबदारी स्वीकारणे, ही एक मोठी जबाबदारी आहे जी मी पूर्णपणे स्वीकारतो.” “या फ्रँचायझीला सामने जिंकण्यास आणि पहिल्या चॅम्पियनशिपसाठी प्रयत्न करण्यास मदत करणे, तसेच बे एरियाच्या चाहत्यांसाठी शानदार क्रिकेट सादर करणे, यावरच माझे पूर्ण लक्ष आहे,” असे अश्विनने एका निवेदनात म्हटले आहे.
दरम्यान युनिकॉर्न्स संघात हॅरिस रौफ, फिन ॲलन आणि मॅथ्यू शॉर्ट यांचा समावेश असलेल्या आंतरराष्ट्रीय खेळाडूंच्या भक्कम यादीत अश्विन सामील झाला आहे.
39 वर्षीय आर अश्विनने 333 टी20 सामने खेळले असून त्यात केवळ 7.11 च्या इकॉनॉमीने 317 बळी घेतले आहेत.त्यामुळे त्याच्या या अनुभवाचा फायदा टीमला होणार आहे.