या कामगिरीनंतर शीतल देवीने सोशल मीडियावर एक पोस्ट शेअर केली आहे.या पोस्टमध्ये ती लिहते, "जेव्हा मी स्पर्धा सुरू केली तेव्हा माझे एक छोटेसे स्वप्न होते, एक दिवस सक्षम शरीर असलेल्या धनुर्धार्यांशी स्पर्धा करायचे. सुरुवातीला, मी यशस्वी झाले नाही, परंतु मी प्रत्येक अपयशातून शिकत पुढे जात राहिले. आज, ते स्वप्न एक पाऊल जवळ आले आहे.", असे तिने सांगितले आहे.
advertisement
आशिया कप ट्रायल्समध्ये मी तिसऱ्या क्रमांकावर पोहोचले आणि आता आशिया कपमध्ये सक्षम वर्गात भारताचे प्रतिनिधित्व करेन.स्वप्नांना वेळ लागतो,काम करा,विश्वास ठेवा आणि पुन्हा प्रयत्न करा, असे ती शेवटी लिहते.
देशभरातील ६० हून अधिक प्रतिभावान तिरंदाजांमध्ये समान परिस्थितीत स्पर्धा करत, जम्मू आणि काश्मीरची १८ वर्षीय शीतल सोनीपत येथे झालेल्या चार दिवसांच्या राष्ट्रीय निवड चाचण्यांमध्ये तिसरे स्थान पटकावले. शीतलने पात्रता फेरीत ७०३ गुण मिळवले (पहिल्या फेरीत ३५२ आणि दुसऱ्या फेरीत ३५१), ज्यामुळे अव्वल पात्रता फेरीतील तेजल साळवेच्या एकूण गुणांची बरोबरी झाली. अंतिम क्रमवारीत, तेजल (१५.७५ गुण) आणि वैदेही जाधव (१५ गुण) यांनी अव्वल दोन स्थान मिळवले, तर शीतलने ११.७५ गुणांसह तिसरे स्थान मिळवले. शीतलने महाराष्ट्राच्या ज्ञानेश्वरी गदादेला ०.२५ गुणांच्या थोड्या फरकाने मागे टाकले.