TRENDING:
खरं तर टीम इंडियाच्या वानखेडेवरील सेमी फायनल सामन्या दरम्यान ही घटना घडली होती. दुसरा सेमी फायनलचा सामना हा मुंबईत आणि टी20 वर्ल्डकपचा ब्रॅड अॅम्बेसेडर असल्याने रोहित शर्मा देखील वानखेडेवर उपस्थित होता. यावेळी तो आपल्या टीम इंडियातील सहकाऱ्यांना देखील भेटला होता. या संदर्भातला व्हिडिओ देखील व्हायरल झाला होता.
VIDEO : 'ए चल हड...', कुलदीपला रोहितने झापलं,कधी नव्हे ते भेटले अन् वानखेडेच्या मैदानावर वाजलं
advertisement
या दरम्यान रोहित शर्माची कुलदीप यादवने देखील भेट घेतली होती. कुलदीप आधीच मैदानात प्रॅक्टीस करत होता,त्यामुळे तो मैदानात घामाघूम झाला होता, त्यामुळे अशा घामाटलेल्या अवस्थेतही तो रोहितची गळाभेट करायला गेला होता.पण कुलदीप घामाघुम असल्याचे पाहून रोहित शर्माने त्याला 'ए चल हड...' असे म्हणत हाकललं आणि त्यानंतर हाताला लागलेला घाम त्याने पुसला. त्यानंतर दोघांमध्ये काहीशी चर्चा झाली आणि नंतर रोहित त्याला शेकहँड करून निघून गेला. पुढे रोहित शर्माने इतर दुसऱ्या खेळाडूंची देखील भेट घेतली होती.
दरम्यान रोहित शर्मा आणि कुलदीप यादव यांच्यातील या घटनेचा व्हिडिओ सोशल मीडियावर मोठ्या प्रमाणात व्हायरल झाला होता. त्यामुळे रोहित शर्मा असा का वागला? असे प्रश्न उपस्थित होऊ लागले होते. त्यानंतर या घटनेवर आता कुलदीप यादवने मौन सोडलं आहे.
मैदानातली ती घटना फक्त त्यासाठी घडली कारण मला खूप घाम आला होता. आणि त्याचं (रोहितच) म्हणणं होतं, आता मला जायचंय आणि तु माझ्या अंगाला घाम लावशील.त्यामुळे ही गोष्ट खूपच मजेशीर होती.त्याच आमच्यात कुठलाही वाद झाला नव्हता,असे कुलदीपने स्पष्ट केले.
रोहित भाईने मला नेहमीच सपोर्ट केला आहे. ते नेहमीच माझ्या पाठीशी असतात. जेव्हा मी खेळत नव्हतो तेव्हा ते देखील ते मला सपोर्ट करत होते. तुझी वेळ येईल, तु मेहनत करत रहा.त्यामुळे अपेक्षा सोडू नकोस पण असं होतं असतं. कधी कधी कॉम्बिनेशनमुळे संधी मिळत नाही,असे बोलून रोहितने मला सात्वन देण्याचा प्रयत्न केल्याचेही कुलदीपने सांगितले.
दरम्यान मैदानावर रोहित शर्मा आणि कुलदीप यादवच एक वेगळं नातं आहे. रोहित शर्मा अनेकदा कुलदीप यादवला फटकारताना दिसला आहे. कारण कुलदीप यादवला प्रत्येक अपीलवर डिआरएस घ्यायचं असतं. हीच गोष्ट रोहितला पटत नसल्याने तो नेहमी कुलदीपची मैदानावर शाळा घेत असतो. विशेष म्हणजे रोहितच्या अशा वागण्याचं कुलदीपला अजिबात वाईट वाटत नाही.कारण तो म्हणतो रोहित शर्मा हा सिनिअर खेळाडू आहे.त्यामुळे त्याच्या बोलण्याच मला वाईट वाटत नाही.