Sanju Samson : वर्ल्ड कप जिंकवून घरी पोहोचला संजू, गेटच्या आत जाताच केली आईची इच्छा पूर्ण!

टी-20 वर्ल्ड कप जिंकल्यानंतर संजू सॅमसन हा त्याच्या घरी पोहोचला. घरी जाताच संजूने त्याच्या आई-वडिलांना कडकडून मिठी मारली. स्वत: संजूने सोशल मीडियावर घरी पोहोचल्यानंतरच्या क्षणांचा व्हिडिओ शेअर केला आहे.

काय म्हणाली संजूची आई?

'मी फायनल सामना पाहत होते, संजूला रन करताना पाहिलं. मॅच संपल्यानंतर माझ्या मुलाला प्लेअर ऑफ द टुर्नामेंट पुरस्कार देण्यात आला, हे पाहून मला आणखी आनंद झाला', असं संजूची आई लिझ विश्वनाथ यांनी सांगितलं. संजूच्या आईची तब्येत बरी नसल्यामुळे संजूचे आई आणि वडील त्यांच्या घरातूनच सामना पाहत होते, तर संजूची पत्नी चारुलताने अहमदाबादच्या स्टेडियममध्ये बसून इतिहास घडताना पाहिला.

फायनलआधी संजूचा आईला फोन

फायनलआधी संजूने आईला फोन करून तब्येतीची काळजी घ्यायला सांगितलं होतं. तसंच फायनलनंतर मुलगा घरी येईल तेव्हा त्याला कडकडून मिठी मारण्याची इच्छा आईने व्यक्त केली होती. संजू जसा घरी आला त्या क्षणी आईने मिठी मारून तिची इच्छा पूर्ण केली.